余香凝為愛子搞百日宴感性寫下為母感受 B仔頭髮濃密臉頰好肉哋

近年成為影壇新貴，早前更憑住《白日之下》入圍台灣金馬獎影后，在來年的香港金像獎亦被看高一線。日前忙完出席台灣金馬獎後，最近余香凝為囝囝舉行恐龍主題的百日宴，余香凝今日在IG貼相留言：「細佬百日宴。去到現場即刻眼大大周圍望，好似知道係自己嘅party咁。呢排開始多咗好多反應。成日笑，開始有BB話，望住家姐，我就知道BB真係大得好快，好快你就識得行，識得走，識得講嘢，識得自己食飯，識得唱歌跳舞。」

余香凝續言：「媽咪爹哋家姐同埋一班好錫你嘅屋企人同朋友，會陪伴住你成長，見證在你每一個moment，希望你繼續健康快樂平安咁長大，做一個善良、有愛心、樂觀積極嘅人，希望你繼續同家姐相親相愛💕我們愛你。」照片見余香凝剛滿百日的囝囝Clement頭髮非常濃密，臉頰飽滿有肉哋，令人好想搣一下，余香凝亦罕有貼出一家四口的全家福，齊齊錫錫Clement，場面好溫馨。