【新手媽媽必看】免費 母乳 朋輩聚會 專醫奇難雜症
2016-07-11
衛生署主辦、「自然育兒網絡」承辦的「母愛蜜語」 母乳 餵哺朋輩支援計劃，由有授乳經驗的媽媽（Project-logo-small 義工大使），以媽媽助媽媽形式，為有意餵哺 母乳 的懷孕及新手媽媽，提供朋輩支持、鼓勵，分享正確哺乳資訊，藉此增強她們信心，延長餵哺期。
計劃有義工20至30人，全受過20小時培訓及經兩次實習，每月在港島、九龍、新界東和新界西4區，舉行小組聚會。
義工接受培訓後合照。第一排左為徐瑩。她說，義工受訓除學習餵哺母乳知識外，亦要學習溝通和表達技巧。
雞毛蒜皮都可問
項目策劃徐瑩指，餵哺母乳時，諸如次數、技巧、奶量不足等專業知識，可以找醫生、護士，但一些看似雞毛蒜皮的問題，又真的有媽媽會問：「長輩極反對我餵母乳，點算好？」「好多掙扎，我堅持餵，但老公以為我癲咗？」「半夜想吃飯得唔得？」「上廁所無人睇B點算好？」要跟醫生、護士講，又難啟齒，但都會在小組中分享。
「與其說我們是純母乳餵哺的分享，不如說是心理和社交支援。每次聚會主題很彈性，分享餵哺經驗外，亦會看當天參加者有乜問題，互相分享經驗，可以好生活，像想上廁所又唔想放低個B，會教用印尼揹帶揹着。」
平衡網上偏激意見
朋輩分享，討論區大把，但徐認為，網上意見多偏激。「有媽咪話餵咗BB吃奶粉，就被指責害死自己個B。但有需要、唔影響奶量下，我們唔完全拒絕給奶粉，因不想太迫媽媽，令她不開心，導致奶量減少。」
過來人：好似看回自己B一樣
義工Angel（下圖）：「最欣賞計劃媽媽幫媽媽。當初我做新手媽媽餵母乳時，都有很多問題，需要有人認同、支持、鼓勵。現在，以自己經驗，幫過一位餵母乳的媽媽，佢BB有黃膽。我開解佢，吃母乳BB，黃膽去得慢，只要BB一切正常，媽媽要有耐性。」
「期間，有晚上，我常用whatsapp、電話開解佢。終於一個月後，她跟我說BB黃膽退晒，我哭了出來，就像當年自己BB黃膽退咗一樣咁開心。」
