【港爸帶你遊台灣】Dead Road
港爸最近一條冷去咗南美旅行，一個月嘅旅程，只玩玻利維亞同秘魯，今次先同大家分享一下其中一個景點-Dead Road。
去Dead Road，一般會在拉巴斯報團，同其他local tour 一樣，大多數可以在Sagarmaga St.搵得到，費用一般由400-600bob不等，不過港爸比較驚死，所以搵咗間網上評價最好的，收850bob，以價錢計，係好貴，因為一般三日兩夜嘅攀山團或鹽湖團，一千左右就可以，不過車靚，已經值回票價了。
聽個名都知，這是一條很危險嘅公路。危險不是口講的，是有數據的。這條山路一直以來都係附近幾十條村落的交通要道，所以私家車、電單車、貨車，甚至乎巴士都靠它來遊走各要點。以往每年平均死亡人數約二百人，即差不多隔日就死一個。政府這幾年開了條新路，車，少了很多，所以就俾我哋呢啲俾錢來買危險嘅人來踩單車。
咁係咪就無人死呢？唔係，舊年死了17個，我踩之前的十幾日，也死了一個。俾錢踩呢條路嘅人，係咪癲癲哋的？
全程由一個睇落好似剛剛攞完成人身份證嘅美國仔帶隊，咁係咪無信心？不會啦！對自己有信心咪得囉！況且佢講解得很清楚。
出發前，要跟據傳統習俗向大地媽媽祈福，更要每人飲一啖好似火酒嘅液體才出發，嘩！難飲到呢！
全隊14人，出發前梗係要影番張團體相，唔係咁，點知終點時齊唔齊人！
頭大半個鐘，全為落山公路，車速非常快，為了香港人嘅名聲，唯有拼盡，緊貼美國仔。
警惕！
下頁有更精采經歷和圖片
