鄭中基演唱會 全家出動齊撐場 女兒顏值飆升 父親鄭東漢精神奕奕現身
2024-02-14
鄭中基演唱會 ｜鄭中基於紅館舉行6場《Fragments of Wonder 鄭中基世界巡迴演唱會2024》香港站，昨晚（13日）進行首場演出，一眾圈中好友送上花籃祝賀，包括有古天樂、張學友、郭富城、成龍、謝霆鋒、吳君如與陳可辛、陳慧琳、張敬軒、小薯茄、方力申、鄭伊健、林盛斌（Bob）等外，鄭中基爸爸、太太余思敏以及一對子女、張達明、陳凱詠（Jace）、谷德昭與女友林子萱等入場欣賞。
學校 / 校長專訪
鄭中基演唱會 丨《星光伴我心》悼念已故藝人：
-
- 鄭中基《Fragments of Wonder 鄭中基世界巡迴演唱會2024》香港站13日首場演出！
-
- 鄭中基《Fragments of Wonder 鄭中基世界巡迴演唱會2024》香港站13日首場演出！
-
- 鄭中基（Ronald）一出場唱出《搬屋》及《想愛你》。
-
- 鄭中基又搞笑話觀眾無變過都係細細粒，還叫觀眾齊拍掌。
-
- 鄭中基對上一次紅館開騷已經是2019年的事。
-
- 鄭中基謂：「講返演唱會，想畀驚喜大家、喜怒哀樂，係露點個露！」
-
- 鄭中基稱出道時沒太特別，只是有人記得他飲醉酒。
-
- 鄭中基狀態大勇！
-
- 鄭中基第一次做監製同出品人！
-
- 全場反應熱烈！
-
- 呂爵安（Edan）擔任嘉賓。
-
- 齊齊向觀眾拜年。
-
- 全場反應熱烈！
-
- 當獻唱《星光伴我心》期間，螢光幕上顯示已故藝人。
-
- 鄭中基又自爆演唱會一個月前「中招」，螢幕上顯示出磅數得133磅。
鄭中基（Ronald）一出場唱出《搬屋》及《想愛你》後說：「我返來囉！其實我舉行過第三次農歷新年演唱會，但我得四次紅館演唱會，命中率99%，對上係2019年五年前。」鄭中基又搞笑話觀眾無變過都係細細粒，還叫觀眾齊拍掌。他說：「第一次做監製同出品人，發生好多間題，但都唔好講啦！我想好多人買飛，但唔想黑洞坐位表出現，又驚啲人飛咗！」此時有觀眾大叫表示特登返來，鄭中基即謂：「初四要返工都坐晒，你哋先係老闆！講返演唱會，想畀驚喜大家、喜怒哀樂，係露點個露！」。
鄭中基唱完《八二十八八十八十八》及《兩代天使》笑指不少觀眾第一次欣賞他的演唱會，所以要由出道講起，不過出道時沒太特別，只是有人記得他飲醉酒，但沒有這種事飲醉酒就唱不到剛才兩首歌：「我唔係話飲酒啱！我飲嗰時都有寫歌，尤其嗰首《兩代天使》，唔知點解嗰陣時諗，如果我第時生女要寫呢隻歌佢聽。」當獻唱《星光伴我心》期間，螢光幕上顯示已故藝人，包括有Uncle Ray、周海媚、鄭啟泰及河國榮等，鄭中基表示多謝出現他生命中的每一位。
鄭中基演唱會丨首場演出獲圈中好友送上花籃祝賀：
-
- 女兒今次在台下睇騷！
-
- 鄭中基爸爸鄭東漢。
-
- 機動兵工廠
Encore後，鄭中基再度出場唱出《猛龍特警隊》時，叫觀眾派利是，舞蹈員更出動環保袋代為收利是，鄭中基說：「大仔，搞唔掂呀！出嚟幫手呀！」其後MIRROR成員呂爵安（Edan）出場，與鄭中基合唱《有種》，更幫手一齊逗利是。鄭中基解釋收到的利是會全部捐出去慈善機構，又笑謂要派利是畀Edan，不過要Edan選擇宣傳賀歲片《盜月者》定還是要利是。Edan即謂要利是，因為該片票房收得不是由他袋。Edan提到演出《闔家辣》，戲中爸爸鄭中基經常偷偷買手套，於是特別準備一套厚手套作為厚禮，其後兩人各自戴上一隻手套合唱《傷心的小鸚鵡》，鄭中基唱完就將隻手套交給台下的太太。
鄭中基笑言禮貌上要向歌迷回禮送上一部相機，但要玩遊戲要求觀眾有創意去讚他，當中有人謂「你生仔好勁」、「好似耶穌」、「紅館歷年最靚仔歌手」。而鄭中基又自爆演唱會一個月前「中招」，螢幕上顯示出磅數得133磅，並笑謂再瘦下去可以穿著中學所穿的褲子。最後鄭中基以唱出《The Only One》，為演唱會作完美句號。
獲頭條日報授權轉載
其他文章：
