【VVinnie】畢業歡樂滿bama之《你拎好啲啦大佬》
2016-07-12
今日會講下畢業典禮拎證書。
台上面你見到一兩分鐘嘅事,
台下佢哋已經練咗好耐,
唔好睇小一個鞠躬,
唔好睇小一個轉身,
全部背後都有血有汗。
要訓練一批小朋友向同一個方向轉身,
係要好長時間嘅,
因為個個小朋友接收都唔同,
班上面仲係有幾個特別啲,
無論你點教佢都好,
佢硬係要轉去另一個方向,
就好似天生要同你作對咁。
有一種小朋友,
即使你教咗佢好多次,
佢都仲係揸錯證書,
就好似係唔知咩叫高咩叫低咁。
當然,
每一班都仲有啲叻嘅小朋友,
佢哋記得晒你每一個step,
又好明確知你做緊啲咩,
不過呢啲機會,
並唔係個個都有架!
一個畢業禮,
小朋友好多嘢要練,
單單一個授憑儀式,
就已經好多嘢要練喇,
行出去轉身望住嘉賓鞠躬,
拎住張證書再轉身再鞠躬,
左左右右,
左左右右…… 呀!!!
媽啊!!
我好混亂呀!!
到到而家呢個時候,
我只能夠繼續為你哋加油,
不論老師同小朋友,
大家都要加把勁啦!
作者:VVinnie