馬鞍山小學生公仔舖疑搗亂偷竊 同行母親袖手旁觀 辯稱:好奇係孩子天性!
2024-03-14
馬鞍山有小學生,懷疑到區內一間公仔鋪搗亂偷竊,當時其母在場,店主將肇事天眼影片放上網,引來涉事小學生的母親不滿,以數百字私訊,指責店主。
有網民近日在「馬鞍山之友2.0」FB專頁發帖揭發事件,指斥該小童母親,當時不但袖手旁觀,事後更向店主發逾300字私訊,涉嫌「兇」店主,要求刪片。
發帖網民引述店主指,有關小學生已非首次在該公仔鋪,以此形式「幫襯」,今次有家長在場仍再犯,店主才忍無可忍公開事件。發帖的網民交代後續:「學生嗰度,學校已經知道,校長話會處理,而家主要係講家長,家長才是最大問題,係成件事嘅核心。」「小朋友仲細……大家都會諒解……但一個家長一個成年人……仲要走去聯絡店主兇人……」
不少網民討論事件,大多指責在場母親,沒有阻止,而且事發後私訊引多條法例,要求刪片,「成篇稿主旨是『各退一步,ok?』真係好醜陋!」「個大人都唔理,係到玩手機,重要兇個店主,真係好大官威。」「打咁大篇野……即係覺得佢無錯,係你小氣,仲要你小心啲,唔係佢會告你。」
不過,對於店主公開天眼畫面,無遮小朋友樣貌,有網民指做法有問題,「小朋友雖然有錯,不過個樣打返格會好啲。」
該母親在私訊中就小朋友「搗亂」道歉,又辯稱「好奇係孩子的天性」,並保證小朋友不再闖入該店,但不少網民不收貨:「偷竊同搗亂係兩回事嚟!」「生仔真係要考牌,自己小朋友,不是還用好奇心等藉口,去逃避自己無家教。」「……家長道歉就必然,要賠償與否就,視乎實際財物損失。」
獲星島頭條授權轉載
更多文章: