上水奪命車禍 ︱被撞斃老婦家屬認屍 哭訴求還原事件真相 悲嘆母親「喺嗰度過一晚好慘！」
2024-04-08
上周四（4日）晚上69歲姓黃老婦踩單車途經上水松柏塱對開期間，被車撞後跌落坑渠，後腦著地重創，疑因無人理會失救，翌日始被發現，最終返魂乏術。其女兒及家屬今（8日）早到殮房認屍，神情哀慟，其中女兒更哭訴「很想知道事件真相，嗰刻點樣撞倒佢（媽媽），點樣跌落條坑渠度?你知唔知，喺嗰度過一晚係好慘嘅！ 」
39歲姓陳男司機已被暫控一項「危險駕駛導致他人死亡」罪、一項「意外後沒有停車」罪、一項「意外後沒有報案」罪及一項「更改嚴重意外的證據」罪，案件已於今日（8日）在粉嶺裁判法院提堂。
-
- 死者家屬到殮房認屍。
-
- 死者女兒及其他家屬到殮房認屍，哭訴事件疑團未解。
-
- 死者家屬希望還原事件真相。
-
- CCTV拍得死者當晚踩單車途經松柏塱。
-
- 其後一部私家車高速駛經相同路段。
-
- 警方在上水虎地坳道發現懷疑涉案私家車。
-
- 其車頭燈懷疑曾被更換。
黃婦女兒劉小姐指媽媽很有愛心，經常去攞狗飯餵動物，「佢太鍾意動物，每日都踩單車載狗糧，夜晚有羊有狗，可以去餵佢哋。佢踩得好慢，每日必經條路（松柏塱），唔明司機點解揸得咁快，佢撞到我媽媽後方，成架單車都反咗，如果有人經過有cctv，希望可以提供多啲畀我哋，可以睇到有冇落過車攪過屍體，有冇移動過?媽媽傷口係後腦，鼻哥又流血，好多疑團未解開。」
-
- 黃婦踩着單車由松柏朗村路往青山公路方向。CCTV片段
-
- 2分鐘後，天眼拍得一部深色私家車高速駛至同一路段。
-
- 仵工到場移走遺體。
-
- 事發後滿地雜物，警員在場調查。
-
- 事發後滿地雜物，警員在場調查。
-
- 死者女親女協助調查。
劉小姐不諱言「好想了解點解令我媽媽咁孤單，我應承咗佢星期五去屋企髹油，點知早上9時許接到媽媽來電顯示的電話，卻是警察打來，我已心知不妙，原本諗住中午見到一個健健康康嘅人，點知佢半夜已經唔喺度。」
劉小姐坦言很自責，聲淚俱下表示，「身邊的隔離鄰舍咁啱全部去晒旅行，冇人留意到佢冇返家。如果當時撞到佢司機即刻報警，唔使失救，佢身體一向冇乜嘢，依家撞擊到後腦。」她又怒罵涉事司機不負責任，「正常人撞到隻狗，都會落車睇吓，就算撞倒乜嘢，係咪應該要落車睇吓？」
她說媽媽的單車被撞至「散晒」，seat(座位)飛甩，被問到司機不顧而去是否意難平，劉小姐哀哭「我憎佢唔落，只想唔好係事實，個天唔好安排佢踩單車喺嗰度經過，就算依家搵到個兇手，但個人唔會翻生。」
她又嘆謂媽媽生前並無真正享受人生，「冇出過去旅行，冇享受過，佢熱愛大自然，我好多嘢未同佢一齊做。」她又指媽媽生前人緣非常好，「佢對人超級好，好多親朋戚友打電話嚟問候娟姐（我媽媽），唔想接受佢死咗呢個事實，媽媽人際關係好好，件事發生咗之後，好多人反而打嚟問候我同細佬，係咪需要幫忙。」
-
- 事件發生上周四（4日）深夜於上水青山公路古洞段偏僻位置。
-
- 69歲姓黃老婦被車撞倒跌落坑渠，事隔一晚才被發現，但已回天乏術。
-
- 警方經調查後，於（5日）晚上近8時，在上水虎地坳道發現該輛懷疑涉案私家車。
-
- 其車頭燈懷疑曾被更換。
-
- 報案的剪草工人。
-
- 老婦當時倒臥在渠內。
-
- 警員在場調查。
-
- 村長到場了解。
事件發生上周四（4日）深夜於上水青山公路古洞段偏僻位置，69歲姓黃老婦被車撞倒跌落坑渠，事隔一晚才被發現，但已回天乏術。警方經調查後，於（5日）晚上近8時，在上水虎地坳道發現該輛懷疑涉案私家車，其車頭燈懷疑曾被更換。人員其後在粉嶺祥華邨拘捕一名39歲姓陳男司機，涉嫌「危險駕駛導致他人死亡」、「意外後沒有停車」、「意外後沒有報案」及「更改嚴重意外的證據」。
他已被暫控一項「危險駕駛導致他人死亡」罪、一項「意外後沒有停車」罪、一項「意外後沒有報案」罪及一項「更改嚴重意外的證據」罪，案件已於今日（8日）在粉嶺裁判法院提堂。
獲星島頭條授權轉載
更多文章：
