林子博為19歲大女鋪路升讀大學 移居英國3年溝通仍有好大問題

2024-04-21


3年前,單親爸爸林子博帶子女移民英國曼城,最近趁大女林詠渝19歲生日舉家到卡迪夫、布里斯托、巴斯及倫敦走一轉,主要參觀布里斯托大學區,為囡囡兩年後升讀大學做準備,子博坦言在人生路不熟的地方生活一定有唔少挫折,但只要腦海浮現子女戴四方帽畫面,就會充滿力量,所有難關必定捱得過。

林子博愛女詠渝最愛倫敦,暖男爸爸便精心安排囡囡在倫敦慶生:「我哋先去布里斯托,因為囡囡要認識一位讀電影製作嘅新朋友仔,等佢預先搜集好相關升學資料,順道參觀布里斯托大學。」

子博期望又大一歲嘅詠渝能順利升讀鍾意嘅科目,仲會畀心機讀書及更加融入英國文化,識多啲人:「佢仍然只留意港、台、韓資訊,明顯未夠投入度嘅生活,但明白嘅,佢咁大過先過嚟,重新適應及建立社交圈係要慢慢嚟,而且母語唔係英文,每逢做功課及考試都會面對好大嘅挑戰,我會安慰佢『係咪頂唔順啫?只要搵到興趣及方向,唔一定要大學畢業嘅』,佢反而比我更堅持,話『過得嚟,點會唔讀埋大學呢?』」

陪玩兼做埋司機工人

子博承認獨力在外地照顧兩名子女起居飲食頗辛苦,笑言除陪太子讀書、陪玩、做埋司機車出車入外,工人又係佢,要煮飯洗衫及做家務,甚至家居維修等。不過,最大困難係生活上的溝通都有問題:「家仲未可以用英文完全表達內心諗法,但我冇諗過回流,喺困難時會溫提自己,當日赴英定居嘅初心係乜?希望帶住兩個子女去留學,見識一吓呢個世界,接觸唔同嘅文化,至少期望佢哋能大學畢業,再憧憬將來同佢哋影大學畢業相,我會耐心等待回報,堅持咬緊牙關,冇嘢解決唔到,所以唔會諗頂唔順要離開。」

採訪:方騫平

星島頭條授權轉載

更多文章:

袁偉豪張寶兒貼愛兒萌照賀「袁咕碌」5個月大 疑患濕疹導致突然忟憎

喬寶寶七成收入老婆管 晒舊婚照賀結婚周年 19歲高大俊俏似黃凱芹 喬妻美貌如荷里活女星

熱門文章

吳文忻抗癌手臂盡插吊針我見猶憐 再次赴泰接受細胞免疫治療 後續跟進見步行步
02-07
屯門井頭上村南地盤40歲泰裔男工不適 送院搶救不治 妻子兒女痛失支柱
02-07
男童 連鎖壽司店 舔公共食具 店方發聲明譴責:採法律手段處理
02-05
騙徒扮菜鳥發釣魚短訊 借地址不清須更改呃個資 教你一招辨真偽
02-07
這款 咖啡 100%有毒! 醫生警吿:可致中風甚至死亡 有6症狀即求醫
08-02

大S逝世|頭七與結婚三周年紀念同日 具俊曄 悲痛發文 深情告白:永遠愛你
2025-02-08
騙徒扮菜鳥發釣魚短訊 借地址不清須更改呃個資 教你一招辨真偽
2025-02-07
屯門井頭上村南地盤40歲泰裔男工不適 送院搶救不治 妻子兒女痛失支柱
2025-02-07
啟德車站廣場兒童遊樂場 沙池旁洗手盆淪陷 去水位全堵塞 黃色污水滿瀉 網友: 設計有問題!
2025-02-07
羅湖購牛肝菌煮食 4人中毒痾嘔發燒 化驗後證實屬有毒菇類
2025-02-07
英國中學15歲男生校園中刀身亡 同齡同學被捕
2025-02-07
查看更多   ▸