梁諾妍產後疑患乳腺炎入院 情況嚴重恐要做手術放膿
2024-05-09
洪永城與太太梁諾妍（Inez）於2021年結婚，同年誕下大女「Sir Face」洪靖嵐（Amber），今年3月再誕細女「Sir Face 2.0」Beryl。一向身形Fit到漏的梁諾妍，上月中亦宣告重拾慢跑操肌，未料日前她自爆疑做漏一事患上婦女病，更搞到連日發高燒要住院。
-
- 洪永城去年40歲生日時，宣布太太陀第二胎喜訊。
-
- 洪永城公開第二胎超聲波相。
-
- 洪永城讚太太梁諾妍是「最漂亮的懷孕媽媽」。
-
- 梁諾妍今年3月中在IG上載多張細女照片報喜。
-
- 洪永城再添一女非常高興，將細女緊抱在懷中。
-
- 「Sir Face 2.0」重7磅2。
-
- 梁諾妍今晨（7日）自揭因持續發高燒而入院。
-
- 梁諾妍親述患乳腺的過程，直言右胸又脹又腫又紅又高燒，若情況太嚴重恐要用針抽膿或做手術打開個乳頭放膿。
-
- 梁諾妍透露，疑因隔太耐泵奶所致，並寄予媽媽們盡量親餵母乳，餵完最好再泵清，「泵都唔好過4-5個鐘，真係會好易塞定時要按摩，吃都要吃得清淡嘟啲。」
-
- 梁諾妍上周四（2日）貼出1個半月大細女Beryl與老公洪永城童年的倒模對比照後。
-
- 細女Beryl（下）與洪永城童年猶如倒模，力證洪氏基因強大。
-
- 細女Beryl（下）與洪永城童年猶如倒模，力證洪氏基因強大。
-
- 梁諾妍笑言：「Amber係100%似晒大個咗嘅Tony樣，而Beryl，係由Tony細個開始就100%嘅樣扱出嚟，以上嘅分析同結果係一啲阿媽嘅份都冇。」
-
- 洪氏一家早在農曆新年前搬了大屋。
-
- 洪氏一家早在農曆新年前搬了大屋。
-
- 梁諾妍近來不時於IG曝光在新居客廳拍的照片。
-
- Beryl出院回家就入住新居，而新居地板是選用木地板。
梁諾妍自上周四（2日）貼出1個半月大細女Beryl與老公洪永城童年的倒模對比照後，便一直沒有更新社交平台，至今晨於IG Story親解「失蹤」原因，她自揭由周六（4日）晚開始發燒，半夜更發冷、骨痛兼體力不支，但五合一檢測結果仍呈一線，「（我）諗嚟諗去都唔知點解，直到一位媽媽朋友話係唔係乳腺炎，omg我星期四同五真係太忙有試過2次過咗7個鐘先泵，又因為我量多嘅關係，應該已經塞咗。」
梁諾妍續指，其實右上胸已痛足多日，周日（5日）黃昏因持續高燒不退才辛苦到去醫院睇急症：「姑娘再幫我探熱已經燒到39.7度誇張，醫生睇完右胸又脹又腫又紅又咁高燒，建議我留院3日打抗生素，然後我話我想返屋企，所以當日我抽咗血，睇吓啲菌有冇入血，打咗抗生素針同高燒止痛針。」惟周一（6日）仍然病情反覆，她稱只好多休息、多飲水、按時食藥、食補充劑、埋身親餵母乳、每兩至三小時泵一次奶，以及餵奶前敷熱毛巾和餵後敷凍椰菜等，終於今晨再沒有發燒發冷情況，「雖然個胸仲係又紅又腫又痛，冇發燒我已經覺得打贏咗一半，因為如果太嚴重要用針抽膿／做手術開（打）開個乳頭放膿，omg希望冇呢一日。」
最後，梁諾妍醫院自拍照寄語各位媽媽：「千祈唔好好似我咁，辛苦到唔多識形容，個胸都痛到唔識形容。」並以過來人身份建議盡量親餵母乳，餵完最好再泵清，「泵都唔好過4-5個鐘，真係會好易塞定時要按摩，吃都要吃得清淡嘟啲（我肯定係星期四食完糯米出事）。」
預防乳腺炎有妙法
註冊中醫師彭明慧表示，中醫學稱乳腺炎為「乳癰」，症狀表現為乳房結塊、紅、腫、熱；另外，腫脹時疼痛，還伴有全身發熱，潰後膿出稠厚，或可見表面不平滑，皮膚凹陷，引致乳頭下陷。
1. 防止乳頭破裂，乳頭破裂既容易乳汁淤積，又有可能因傷口而發生細菌感染。
2. 妊娠六個月後，經常用溫熱水或75%酒精擦洗乳頭；孕婦有乳頭內陷者，應經常擠捏提拉矯正。
3. 不要讓小兒養成含乳頭睡眠的習慣。
4. 哺乳後，用水洗淨乳頭，清除乳腺管口積垢，用軟布隔在乳頭衣服之間，避免擦傷。
5. 不要強行撕去出現在乳頭上的痂皮，可用軟膏塗敷，待其變軟，然後慢慢撕掉。
6. 產後應盡早哺乳。
7. 哺乳前熱敷乳房以促進乳汁通暢，如感到乳房脹痛更要及時熱敷。
8. 嬰兒吸吮能力不足或嬰兒食量小而乳汁分泌多者，要用吸奶器吸盡乳汁。
9. 斷乳時應逐漸減少哺乳次數，然後再行斷乳。
10. 少吃有刺激性的食物，如葱、薑、蒜等。中醫認為乳癰是由於內有蘊熱、熱毒壅結而成，因此在飲食上要少吃熱性食物，以免助火結癰。
11. 可多吃些海帶，海帶有軟堅散結作用，對防治急性乳腺炎有一定幫助。
12. 保持精神舒暢，避免情緒過度激動，影響乳絡鬱結。
延伸閱讀：預防乳腺炎有妙法
延伸閱讀：中醫治乳腺炎病因及食療
獲星島頭條授權轉載
更多文章：
