東張西望丨何伯大仔疑發聲:斥父不曾送貴重物給亡母 450萬喺阿媽同佢捱返嚟

TVB節目《東張西望》近來兩度訪問何伯與新何太成為全城熱話，日前何伯於《東張西望》中怒斥子女忤逆，將其聯名戶口內的450萬元積蓄取走，認定子女貪圖他的錢財而反對他與新何太結婚。何伯堅稱450萬是他賺的，更指對子女多年供書教學，卻得到子女如此對待感心痛，更留下重話：「我帶錯咗佢哋嚟呢個世界。」日前（15日）何伯疑似大仔於facebook群組「何伯＆何伯老婆關注組」發聲，斥父親神智不清！

最近《東張西望》再度請來全城關注的何伯及新何太受訪，二人在鏡頭前表現恩愛，一起反擊外界批評，聯手維護這段忘年戀。但不少網民仍認定新何太貪錢、對何伯非出於真心、何伯情火迷了眼等，繼（14日）疑似何伯五名子女在facebook群組「何伯＆何伯老婆關注組」發聲，疑似新何太更與他們隔空開火引起討論後，今日一位自稱何伯大仔的網民再於facebook群組「何伯＆何伯老婆關注組」發文，揭露更多家事。

何伯子女對父不解父親再婚

自稱何伯大仔的網民以匿名者身份在facebook群組「何伯＆何伯老婆關注組」發言，他表示：「大家好，我係何伯大仔，我父親原本是很正常，雖然佢平時講嘢唔叻，但絕不像宜家上電視咁神智不清（俗稱OnX）。自從識嗰個女人之後，姑且叫佢做『河馬』，『河馬』叫我父親介紹男人畀佢結婚，唔知咩原因，飲完河馬啲『河馬』之後，我老竇自己推薦自己，冇同我哋五兄弟姐妹商量下，自己同『河馬』走去簽紙結婚。」

何伯子女得知父再婚非常生氣？

自稱何伯大仔的網民更指得知父親再婚當下非常生氣，亦因新何太可以配偶身分身家而心感不妙，他表示：「我阿媽在生前，佢對我阿媽都算好，但未見過送幾兩重金手鈪，勞力士手錶，手袋之類畀我阿媽，拿上手都幾十萬，或者可能老夫老妻唔需要。我同幾兄弟姐妹點都諗唔明，點樣可以用咁短時間我老竇送咁貴嘅嘢，幾十萬，唔係一兩萬。」他們幾兄弟姐妹因怕何伯戶口內的錢「凍過水」，所以何伯細女才會取走450萬元。

疑似何伯大仔：試問點對得住阿媽！

而何伯細女取走聯名戶口內450萬元前，原來有段故，疑似何伯大仔指：「唔知係我阿媽保佑定報夢，可以係隻『河馬』我老竇攞錢之前，我細妹已經早著先機，唔洗比隻『河馬』得逞。」他更指戶口內450萬元非何伯所指「錢係我賺」，他表示：「啲錢係我阿媽同佢捱返嚟，同我哋仔女畀嘅家用，我阿媽好慳，買餸都會格價先買，所以我哋唔容許我哋阿媽死慳死抵返來啲錢，比隻『河馬』一鋪清袋，試問點對得住阿媽！」他更指新何太「司馬昭之心－路人皆知」，再強調會循法律途徑保護父母財產，以及已去世媽媽的尊嚴。

網民紛紛力撐何伯子女

對於疑似何伯大仔發聲，網民都紛紛留言支持：「如果今次騙子成功，將有千千萬萬個受害人」、「加油！一定要堅持守住你們何家的財產」、「認同你們五子的做法，做的好」、「喺玄學角度，都懷疑過何伯係咪俾人落咗降，啲湯水有啲古怪」、「如果真的話，支持」、「要守住你阿媽啲錢啊」、「辛苦你哋啦」等。

獲星島頭條授權轉載

相關報道：

7旬伯「街市飲湯飲出真感情」 認識43歲內地婦1個月 極速再婚 細女疑擔心被騙將聯名戶口$450萬領走

東張西望何伯︱網上瘋傳新何太3大背景 疑3度結婚 傳現避走內地狂呻被抹黑

東張西望何伯︱與43歲內地婦 閃婚 致子女反目 得知妻子承諾養家大讚「冇娶錯老婆」

東張西望何伯︱ 內地妻鏡頭前後語氣大不同？ 小鳥依人感盡失 激動插嘴糾正老公用詞引熱議

東張西望何伯 ︱疑似與新何太茶記撐枱腳 老夫服侍少妻示範越難越愛