周勵淇公開4歲囝囝慶生近照 盡得媽咪真傳五官精緻
2024-05-22
44歲 周勵淇 2018年驚喜宣布與中國大陸演員傅浤鳴（以前名稱傅程鵬）結婚，兒子Morris於2020年出生後，她便減少工作量，專注於家庭生活。惟她一直未有公開囝囝容貌，直到日前（20日）Morris的真面目終曝光！
適逢上周六（18日）是兒子Morris的4歲生日，作為「廿四孝媽媽」的周勵淇按照慣例，今年為囝囝大搞「超級英雄」主題派對，她於IG上載多張現場照，並簡單留言：「眨眼間你就四歲了，願你繼續快樂，健康成長。Love u Morris #520」相中可見，除訂製了一個布滿蝙蝠俠、蜘蛛俠、雷神等公仔的兩層蛋糕外，周勵淇亦準備了大量禮物及果汁等給小朋友們，相當有心思。當中最難得是周勵淇罕有公開Morris的清晰容貌，可見囝囝盡得媽咪真傳，眼大大鼻高高五官精緻，十分靚仔。其間，Morris與媽咪Sweet爆咀嘴外，一家三口又一起切蛋糕，場面溫馨。
早前周勵淇為宣傳《超意神探》受訪，坦言因為老公要求故未有公開囝囝樣貌，更大爆Morris已有6歲身高，性格似足婆婆開朗多嘢講，她笑稱：「佢係happy baby，好多嘢問，好多都唔識答，問到我有時懷疑自己。」並謂聽到她要外出，囝囝會狂講甜言蜜語媽咪留低：「佢會話『你唔好去啦！你陪吓我啦！你去邊啫！你唔好返工啦！』我話我唔返工你養我呀？佢又話『我養你囉！我都可以去返工，等我大個啲，食多啲飯就可以養你』，其實係幾冧。」
獲星島頭條授權轉載
其他文章：
