顏國樑不敵癌魔離世享年71歲 曾險踏鬼門關3次 獲太太「救命」

2024-05-26


曾於TVB經典處境劇《香港81》飾演「陳積」的顏國樑,今日驚傳離世,享年71歲。「老友鬼鬼」的FB專頁留言:「我們痛心宣布,顏國樑師傅已離開我們。永遠懷念你對視界的貢獻,為我們留下過美好的回憶,衷心感謝你!」

顏國樑在2022年罕有現身TVB台慶並自揭患上第三期鱗狀細胞癌導致聲帶失去低音,接受化療及免疫治療後,情況總算穩定下來。早前更與太太霍潔貞接受TVB Plus節目《直播靈接觸》訪問時,提到接受化療及免疫治療曾徘徊在生死邊緣,誰不知今日傳來噩耗。

梁思浩在FB貼上當日與顏國樑和太太霍潔貞的合照並說:收到沉痛嘅消息,顏太講俾我聽:『顏先生昨晚22:30安詳地離開了!』,顏太太節哀順變,你丈夫好痛錫妳,所以我亦幫佢一個心願,佢要同妳留下一個美好嘅片段同回憶!所以嗰日電視台出鏡,佢千叮萬囑我,要將佢太太拍攝得美麗,(因為太太在他心目中永遠都係最靚最溫柔)亦都等你哋兩個喺人生嘅片段裏面有一個最溫馨美好嘅回憶!顏先生一路走好。」

顏國樑的好友鄧英敏接受傳媒訪問,透露顏國樑是昨晚11時多在醫院離世,指他心臟、聲帶及呼吸均有問題,已多次出入醫院,本來計劃昨晚到醫院探望,不過因要會合等另一位朋友,改為今天才探望,沒料昨晚他已離世。鄧英敏稱顏國樑太太雖有有心理準備,但心情都需要時間平復。

憶患癌昏迷險踏鬼門

顏國樑上月曾與太太霍潔貞為梁思浩主持的通靈節目任嘉賓,顏國樑當時曾提及曾入院「續命」的經歷,表示昏迷期間曾有「醫務助理」想帶他走。

節目中顏國樑表現依然非常精靈,精神不錯,他當時曾表示目前身體狀況OK:「做過手術,裏面擺咗支架,會痕,令到我咳,咳嘅時候似怪獸,好嚇人;同埋無電。」梁思浩則表示:「見過咁多次,你今日精神狀態係非常好。」

梁思浩指顏國樑當時經歷15日生死邊緣,前藝人太太霍潔貞四出求助,希望找到方法為老公續命,令梁思浩感到非常感動。霍潔貞表示:「當時醫生同我講,隨時會轉差,佢入院已經昏迷要搶救。搶救咗十零分鐘,醫生行出嚟同我講『而家搶救咗,暫時OK,隨時轉差,要送去深切治療部』。」

霍潔貞透露當時顏國樑已經呼吸困難,要吸純氧氣:「每一秒都好用力、好辛苦呼吸,好似隨時會停止咁,心情真係好驚。」梁思浩又大爆顏國樑與太太在化妝間期間的恩愛舉動,顏國樑大讚太太:「靚過你拍戲嗰時。」逗得全場大笑,又讚兩人是患難夫妻。

霍潔貞透露顏國樑曾經尋找不同方法為老公續命:「我去咗濟公廟搵廟祝,幫佢祈福。裝香、化寶、誠心求拜,佢(顏國樑)平時抄咗啲《心經》,我拎去化咗佢,總之就係做呢啲。」梁思浩此時說:「唔係一定得㗎……」

又透露當時有一個圈中人向霍潔貞透露:「佢過到呢15日就會返嚟,過唔到就無得返,預咗幫佢做身後事。」霍潔貞指當時有朋友跟她說:「會唔會諗下法科方面,我即刻諗起我娛樂圈好朋友,即刻打畀佢,8點幾,問佢有乜可以做,佢叫我第二朝一早去濟公廟裝塔香,呢15日係一個關。」

當時顏國樑提到15日的昏迷與半醒之間的幾個片段:「首先我喺ICU係得兩個人,嗰個人喺度行來行去,我喺張床無奈地睇佢行,佢講電話:『我知,玩梗時差吖嘛,而家係下晝5點幾,唔係10點幾,我知,會過去澳門嗰邊做實驗嘛,我明。』」第二個片段則是老友打電話給他,跟他說:「你俾人整蠱啊,俾人玩梗時差,不過醫院知,會補償返畀你。」

至於第三個的片段,顏國樑則表示較為現實:「到時到候有兩個醫務助理,肥嘟嘟、大媽嗰啲,走埋嚟捉我。我唔畀佢捉,我覺得佢唔係善意,『你好曳啊』,你仲覺得佢係善意?兩個砰砰聲走埋嚟。」顏國樑續指:「當時我郁唔到,俾人綁住咗,佢又捉我唔到,打到隻手啲管甩晒,成床血,畀佢鬧『你好曳啊!你成日郁!』」

雖然顏國樑指當時自己是昏迷與半醒之間,但梁思浩補充指:「喺醫護、太太眼中都係昏迷梗,你見到嘅未必係真實。」梁思浩更說顏國樑要好好多謝太太:「係佢嘅功德,所做嘅一切畀你返嚟,佢只係講咗一句『我唔捨得顏國樑』。我見到你哋咁恩愛,繼續身體健康,有第一次續命,未必有第二次。」

星島頭條授權轉載

更多文章:

蔡一智18歲大女初長成!型格吊帶裙現身生日會 感謝父母養育之恩

感人故事︳愛心社工為解殘障兒童心結 為殘障小朋友度身製作另類公仔

熱門文章

55歲 許秋怡 學霸兒子現真身 高顏值+極具演藝天分 與劉小慧大女同屬最強星二代
06-16
悲劇|漸凍人症媽媽「不想連累家人」 擔心會遺傳疾病 將2歲女焗死後自戕獲救
06-18
全球僅13病例 爸爸患先天性 罕見病 隨時離世 與太太2女兒珍惜每一日 拍攝留下珍貴回憶
06-18
美密歇根州隨機槍擊︱疑犯傷9人飲彈自盡 8歲童頭中彈危殆
06-17
朱千雪 產後首現身 撇甩BB出關享受獨處時光 皮膚狀態令人震驚
06-17

富士山落閘 |7月1日起啟用閘門 日限4000登山客 徵收通行費阻亂象
2024-06-18
林祖輝 姚嘉妮 離婚 共同撫養一對子女 15歲大女暴風式成長 盡得父母真傳 和多位星二代是校友
2024-06-18
元朗奪命工傷|男工生前與父相依為命 86歲老父數年間飽受喪親打擊
2024-06-18
全球僅13病例 爸爸患先天性 罕見病 隨時離世 與太太2女兒珍惜每一日 拍攝留下珍貴回憶
2024-06-18
男童拒扣安全帶兼大吵大鬧 導致 航班延誤 1小時終被趕落機
2024-06-18
悲劇|漸凍人症媽媽「不想連累家人」 擔心會遺傳疾病 將2歲女焗死後自戕獲救
2024-06-18
查看更多   ▸