41歲高齡產婦文凱玲宣布陀B女 隔住個肚都見郁緊：覺得佢游緊水
2024-05-30
41歲 文凱玲 （Connie），今年3月與拍拖五年的IT才俊外籍老公Jason結婚，事隔1個月宣布懷龍B，預產期將於7月。日前與老公齊齊影大肚寫真，順道公布懷有小公主！
文凱玲懷有小公主預產期七月底
文凱玲表示一直都恨生B，由訂婚開始已經有計劃：「由細到大都好鍾意BB ，細個仲諗18歲就要生第一個，結果28歲38歲都未有。幾年前訂婚之後就已經開始計劃生BB，但係又諗住想結咗婚先，因為疫情同工作關係一等又再過咗幾年。聽好多人話唔係想有就有，所以籌備婚禮嘅同時亦都開始造人計劃，結果好快就有好消息！」
-
- 文凱玲與未婚夫Jason
-
- 文凱玲今年3月舉行婚禮，一襲低胸束腰婚紗，輕鬆谷出「事業線」。
-
- 文凱玲4月宣布懷孕，預產期將於7月底。
-
- 文凱玲日前影大肚寫真。
-
- 文凱玲果然得天獨厚，「長胎不長肉」看起來四肢修長。
-
- 文凱玲今次懷有小公主。
-
- 文凱玲今次懷有小公主。
-
- 期待小公主的來臨。
文凱玲日前與老公齊齊影大肚寫真，陀B 8個月的文凱玲果然得天獨厚，雖然肚皮又圓又大，但「長胎不長肉」，看起來四肢修長，文凱玲與老公用「性別揭曉氣球」公布BB性別，今次懷有小公主，文凱玲稱預產期七月底，姓名留待BB出世後再決定。談到今次陀B心情，文凱玲說：「知道有咗嘅時候覺得好幸運，畢竟喺醫生眼中已經係超高齡產婦，產檢嘅時候唔同嘅醫生同護士知道係自然懷孕都會話好難得。」
文凱玲陀B期間沒有特別戒口
文凱玲還說陀B期間沒有特別戒口，亦未有甚麼禁忌：「而家已經八個月，我一直好忙，開頭係工作，之後籌備婚禮然後忙住搬屋，有時忙起上嚟會唔記得自己大住個肚，成日俾身邊嘅人叫我唔好行得咁快！」她還說：「BB喺肚裏面好活躍，成日都覺得佢好似游緊水，之前係自由式，最近變咗蝶式。而家隔住個肚都見到佢郁緊。每次BB郁，我都會同佢傾吓偈，老公亦都好鍾意摸住個肚，BB一郁佢就會笑得好開心。」
獲星島頭條授權轉載
更多文章：
王菲溫馨吻賀細女18歲生日 李嫣天生患兔唇 曾堅持「生活要有熱情、要微笑」
