陳錦鴻患自閉17歲兒子6呎高 罕見露面表演「演奏級」琴技 獲父母栽培成才子
2024-11-09
近日，陳錦鴻夫婦攜子接受劉雅麗的YouTube頻道節目的訪晌，分享他們教養自閉症兒子的心路歷程。節目中，17歲的陳駕樺罕見露面，並展現了驚人的音樂才華。
陳錦鴻曾因兒子確診自閉症及中度智障，在2011年暫別演藝圈，專心陪伴兒子成長。如今，兒子已長大成人，陳錦鴻也逐漸回歸工作。他分享過去10年停工的感想：「呢10年時間我當自己喺屋企扮演一個角色，每日都演緊戲，所以無論佢做錯、表達得唔好或者唔理解都好，我都好有耐性、好好笑容，Keep住自己嘅情緒去面對佢，我當扮演一個角色，如果唔係我好容易畀佢影響到情緒或者作息。」
陳錦鴻兒子激罕現身：
杜雯惠則分享了兒子在音樂方面的天賦。陳駕樺在2019年因觀賞電影《波希米亞狂想曲》而愛上鋼琴，至今已累積五年琴齡，目前正在準備演奏級資格考試: 「佢而家一日要彈5、6個鐘，佢好自然就去彈，冇得逼。」
在節目直播中，陳駕樺落落大方地向觀眾打招呼，並介紹了他即將演奏的曲目。陳駕樺非常高大，目測最少有六呎高。雖然說話略顯急促，但已能清晰表達，與人溝通也無礙，顯示其語言能力已有顯著進步。就讀國際學校的他，英文更加流利，還預告了週四的校內演出。他隨後演奏了自創英文歌曲，優美的旋律和動聽的歌聲贏得了網友的讚賞，也讓父母倍感驕傲。
杜雯惠近年將育兒心得寫成書，在節目中她亦分享：「其實佢同啲同齡小朋友唔係真係好大分別，佢冇特別覺得自己有咩唔同，我都鼓勵啲家長唔好自我標籤先，唔好用一把尺去度晒所有人。唔好覺得自己小朋友同人哋好唔同，而係諗每一個人其實都唔同。」陳錦鴻曾分享兒子小時候有不少很倔強的時候，包括不願坐在馬桶上大便，杜雯惠指：「正常小朋友可能有個……即係幾多歲可以做啲咩，佢係比同齡小朋友慢，可能會遲一兩年先學識，但佢始終都會做到。」原來陳錦鴻直至現時仍會每日為兒子按摩，目的就是想兒子了解何謂放鬆。
劉雅麗作為陳錦鴻夫婦的多年好友，也見證了陳駕樺的成長。她分享陳駕樺其實改變很大：「佢細個嗰時，開頭同佢講嘢，佢唔望人㗎！佢唔會同你有眼神接觸㗎，但係佢好enjoy自己同自己玩，睇住個iPad就自己唱歌跳舞。但我對上一次見Ada就係9月啦，Ada帶咗駕樺出嚟食飯，好開心就係駕樺好主動嗌我，仲拎咗佢嘅作品畀我聽，因為佢而家識自己作曲，彈琴彈得好叻。」劉雅麗向陳駕樺提出改善琴技的意見，對方亦非常虛心接受指導，劉雅麗見到陳駕樺的改變都好開心。
陳錦鴻夫婦表示，現今社會對特殊兒童的接納度提高許多，即使兒子在公共場合出現一些行為，大多數人都能表示理解。為了幫助兒子融入社會:「日日都帶佢出去囉，其實好忙，每日喺學院都有唔同遊戲，我將佢改為可以喺外面做到嘅嘢，譬如爬樹就練人與人間嘅信任，得佢知道樹下有個人保護佢，咁佢信任我，教佢就比較易接受。食完飯又同佢去市中心行街，講解下條街有咩，雖然佢唔理我，好似聽唔到咁，但都不停同佢講。叻嘅可能聽一次就識，唔叻就講一千次佢聽，慢慢佢都會吸收到，證明咗係得。」陳錦鴻的育兒故事感動了許多網友，他們讚揚陳錦鴻夫婦的付出，也期待他能繼續帶來更多作品。
更多文章:
父親託養後失蹤 大愛保姆夫妻變父母 無私養棄嬰3年 終獲戶藉可上學
