【阿米爸】想入聖保祿 報名前必讀

2016-08-09


又到8月,即係話幼稚園報名期已經開始。香港有近千間幼稚園,不過講熱門都係嗰十幾間,好似聖貓啊,維記啊,同埋以下想講嘅St. Paul(聖保祿)。

銅鑼灣兩間St. Paul之所以咁受歡迎,或多或少係因為畢業生有好大機會升番上小學部,而小學部又同中學部有直屬關係,大部分學生都可以直升中學,一勞永逸,爸媽唔使煩;不過講到底,呢間係傳統一線名校。

其實,想女女有大啲機會升讀聖保祿學校(小學部),讀呢3間幼稚園/幼兒園都得,新界區都有一間。

學校
學額
地址
申請入學日期
聖保祿幼兒園 (SPN) N1學額:不多於54 銅鑼灣禮頓道140A號地下及3、4、6字樓 2017年3月1日至5日
聖保祿幼稚園 (SPK) K1學額:180(上下午班各90) 銅鑼灣禮頓道1018地段地下至2樓 2016年11月(預計)
天主教聖保祿幼兒園 (SPCN) N1學額:36
N2學額:6
大埔運頭街校舍於16年10月重建,約於19年重建完畢,臨時校舍設於大圍顯徑邨顯貴樓地下 2017年1月(預計)

咁報邊間好啊?考慮兩個因素啦,分別係「學費」以及「全日/半日制」。

選校

老友P個女讀過SPN,佢話如果財政能力負擔到嘅話,幾歹都報SPN:「全日制,而且讀4年,小朋友學習時間較多,識嘢多啲,自理能力又高啲,小學面試表現自然好啲。」SPN每年3月先收表,開N1至N4班,N1即係其他幼稚園嘅PN班(學前班),N2至N4就等於K1至K3,學費盛惠每年8.8萬,4年就要成35萬,絕對唔係小數目。(不過其實有錢都未必有得讀,下一頁講點解。)

好貴喎,有無得平啲?有,讀SPK!SPK 每年11月招生,半日制,設上下午班,班級由K1至K3,學費每年2.8萬,係SPN嘅3分1,而且一樣有畢業生上返聖保祿學校(小學部)。

學費以外,爸媽其實應該考慮返小朋友係咪有全日制需要,如果學校見你係全職媽媽,多數都唔會收你個小朋友讀SPN。


^聖保祿幼兒園(SPN)「大哥哥大姐姐」活動相片(學校網頁相片)

SPN同SPK都喺銅鑼灣,住九龍過海返學勉可,但係住新界就真係好遠。唔怕,原來SPCN同聖保祿學校(小學部)都有關係,不過大埔校舍重建緊,2019先完工,學生要喺大圍臨時校舍上堂;全日制N班學費5萬一年,平過SPN。

除咗學校內部人士之外,無人知道有幾多百分比嘅SPN、SPK同SPCN畢業生,可以升上聖保祿學校(小學部),不過肯定嘅係SPCN人數會少啲,因為始終唔多家長願意安排小朋友山長水遠返學,或者一擲千金搬過港島區。至於SPN同SPK畢業生,流傳大概8成可以升返上小學部,至於其他,其實可能係去咗女拔同聖保羅男女,或者係男仔去咗拔萃同喇沙。

下一頁 – 領洗先有機? + 面試內容

熱門文章

【Vivi Mama】點寫幼稚園求位信好?(附求位信sample)
09-06
聖方濟各大學升格2月後校長麥建華離任 副校長盧鐵榮署任 適時啟動招聘程序 ︱明愛專上學院
03-07
停辦潮|屯門 新一代英文幼稚園 今年8月停辦 校方指受出生率及移民潮影響
03-07
唔怕改壞名︱2024 香港熱門中英文名字 榜首原來係呢個名...
03-08
天瑜腸道蠕動失調 暫時只能注射葡萄糖水 爸爸歷55次電療 癌指數已回復正常水平
03-08

德萃國際幼兒園 .幼稚園 多元閱讀策略 促進語文發展 為孩子升小做好準備 附學校資訊及開放日
2024-05-23
韓國國際學校 | 重視全人發展 營造多元包容校園
2024-05-17
幼兒教育 | 博士山(香港)國際幼稚園 家校攜手提升育兒成效 建立自信靠鼓勵
2024-04-29
用「逆向思維」揀好 幼稚園 |趙榮德
2024-03-05
Woodland與Guidepost一起攜手並進 3所校園將重新改造 建立全新學習環境&遊戲空間
2024-01-29
ABC Pathways International Kindergarten | 中英數尖子搖籃 連續4年97% 入讀 No. 1心儀小學
2024-01-25
查看更多   ▸