【Lulu媽】向 港孩 Say No 在暑假改善自理能力
2016-07-31
平時見小朋友要返學,我地家長就好多野都幫手代勞,令到仔女無咁獨立,由於Luna年尾就五歲,決定趁暑假空檔訓練佢揸筷子、用刀叉同改善自理能力。向 港孩 Say No。
第一擊:煮早餐
每朝早都由Luna自己洗野切野,學煮早餐俾自己食。
暑假第一日,學整蘑菇芝士奄列
可能因為係自己整,佢覺得特別滋味,亦食得比平時多。我最開心就係見到呢一幕,因為平時要返學,佢早餐食得唔多,我希望佢食得多啲,長肉啲。
如是者,暑假開始以來都係佢整早餐,學識整七彩熱香餅、朱古力醬士多啤梨班戟、芝士蛋三文治等等,連媽媽我都受惠,有得食囡囡愛心早餐。早餐係西式早餐為主,俾多左機會佢用刀叉,自然會越用越純熟。
下頁: 夾豆學揸筷子