【Grace Ng】夏天坐月飲食：食乜好？
2016-08-06
好多產婦在夏天生產完後，都會有無數補身疑問：夏天天氣炎熱，仲要食補身燉品，容乜易食到燥底㗎？係咪一定要飲雞酒㗎？我餵母乳喎，BB會唔會飲醉咗㗎？啱啱生完要點補身？
就等我今日逐一為各位產婦解答啦！
產婦剛生產完其實不宜太快大補身，最好先清補再大補；尤其夏天更適宜清補。那何謂清補？
清補是用新鮮食材，做出營養均衡的美食，達致補身效果，尤其要少食多餐。好像燉品，不一定要加藥材，剛生產完的產婦可考慮清燉肉汁或雞汁亦可！
清燉肉汁做法
材料：瘦肉半斤
做法：瘦肉洗淨，切粒，放燉盅。如怕肉有腥味，可加一片薑。
不用加水，清燉個半鐘，即可見到一小碗清燉肉汁，可放少許鹽調味即可。
功效：補元氣、調理身體，特別適合產婦病後調理。
清燉雞汁做法
材料：新鮮雞或烏雞1隻
做法：把雞洗淨，去皮和內臓，斬件，放燉盅。如怕肉有腥味，可加一片薑。
不加水清燉個半鐘，即可見到一小碗清燉雞汁，可放少許鹽調味即可。
功效：提氣、補血。特別適合產後、大病後或手術後，體虛氣弱、易暈及手腳冰冷等。
至於清補時間，順產最好由生產至12天；開刀生則由生產至21天。
另外再介紹一些清補湯水及佳餚，希望各位產婦可以在坐月時，能享用到更加多的美食。
1.准山杞子眉豆節瓜湯
食材：節瓜、合桃、生薑、准山、杞子、元肉、眉豆
效用：健脾、益眼、滋陰、潤燥
2.杜仲准山杞子煲豬尾骨湯
材料：杜仲、准山、杞子、陳皮
效用：補肝、強壯筋
3.竹笙扒豆腐
材料：竹笙、實豆腐、西蘭花、甘筍花、薑
效用：益氣寛中、生津、潤燥
4.紅燒海參
效用：滋陰養胃
5.黑豆南棗黄鱔煲
材枓：黄鱔、黑豆、陳皮、南棗
效用：滋陰補腎
下期我們講大補身。
作者：Grace Ng