麥長青 憶亡弟眼泛淚光 遺憾從未表達愛 無悔因支付家人醫藥費欠巨債

最心痛是愛得太遲﹗趁著有機會，記得向身邊人表達愛，勿令人生有遺憾。56歲麥長青（麥包）近年與太太定居廣州，主力發展內地並成立工作室做直播平台生意，早前返港與黎耀祥合體主持《江湖見》，在節目中盡訴心中情，提及未能及時向弟弟說「我愛你」，悲從中來。

麥長青 黎耀祥 促膝長談爆喊

在週日晚（22日）播出的最後一集，麥長青與黎耀祥這對相識了接近 40 年的「師兄弟」再度建立了一段美好又難忘的回憶及回憶，二人趁最後一站兼最後一集促膝長談，談及埋藏在心中多年的遺憾，二人不約而同眼泛淚光，情流露了重情一面，相當真摯感人。

麥長青 遺憾冇時間陪弟弟

入行38年的麥長青，人生經歷不過不少高低，入行初期收入不穩定，麥長青曾利用信用卡套現應付生活，90年代時因爸爸生病，為了籌醫藥費，麥長青走去拍三級片，到了2003年，媽咪和弟弟又先後確診癌症，為了支付沉重的醫藥費，最終欠下過百萬巨債，多年來的生活都在還債之中度過，但他從來沒有怨過半句。

在昨晚播出的《江湖見》，麥長青談及人生最遺憾的事情，原來是到了長大後，才懂得抽多點抽時間陪伴親弟，可惜一切卻來得太遲，麥長青說：「其實我最遺憾都係一樣嘢，我冇時間陪我弟弟。好多嘢諗大個咗兩兄弟先至去洒吧飲吓酒，但原來個天話畀我聽：『其實你冇機會喇』。所以我細佬走咗之後，我更加珍惜，所以點解我話嗰陣時同你緣份完咗（拍完《義海豪情》）我好唔開心。我從來冇同我細佬講過一聲我愛佢，但其實我好愛佢，但到佢走都冇聽過一句佢阿哥話愛佢，所以我想同你（祥仔）講一句說話：『師兄，我愛你。』」

麥長青的真情剖白觸碰了黎耀祥的痛處，最令黎耀祥最遺憾的，是未能趕及趁最愛的母親還在生時事業有成，讓母親覺得光榮之餘，也能更好的照顧母親，黎耀祥說：「我最遺憾係，我媽媽睇唔到我嘅成就，我入行搵錢都唔多，佢就喺我攞獎前一年走咗，佢連我攞男配角都睇唔到，就更加唔好講話我而家經濟富裕啲可以照顧佢、可以畀一啲好啲嘅嘢佢，所以我諗我同你都一樣，其實我哋都好着重家庭、親人，估唔到我哋咁耐無見，因為呢個節目又走返埋一齊。」

獲星島頭條授權轉載

更多文章：

內地「優才」後悔來港 力數4大問題：香港已不適合生存

海南 10歲男童獨自扒艇釣魚睡着 漂流一天一夜超30公里獲救