皇室堡 玩具店驚現「賊父子」 明目張膽偷玩具 網民：教壞下一代

銅鑼灣 皇室堡 內一間玩具店驚現「賊父子」！4月5日中午，有兩父子在皇室堡一間玩具店瀏覽期間，趁機直接擸走一盒玩具，該店把片段放上網，義正詞嚴：「咁細個就教佢做犯法嘢，可恥」。

價值900多元合金玩具被盜

現場在皇室堡3樓鴻興玩具，片段顯示，事發於今午1時25分，一對貌似外國人的父子在店內瀏覽，其間在偌大的陳列櫃徘徊，父親曾詢問兒子喜歡哪一件玩具，兒子隔着玻璃指着一個紅色盒，父親二話不說伸手去取，然後交予兒子，隨即急急腳離去。據了解，被偷去的玩具為合金工程車，價值900多元。

鴻興玩具在網上公開有關影片：「皇室堡今日出現兩父子夾埋一齊偷嘢 ！咁細個就教佢做犯法嘢，可恥，全程錄低晒，兩父子孭住布袋，拎起完件貨就即刻走咗，同行要小心」。

網民：害死個小朋友

店內盜竊雖然常見，但父親帶着兒子去偷東西卻非常罕見，網民反應熱烈：「呢D人真係不能放過佢，教衰埋下一代」、「玩具都偷，冇錢就唔好生仔啦。」、「一定要捉到，大既唔好教壞細，害死個小朋友，一定要等佢知道結果」、「真係明目張膽」。

警方表示，今午5時12分，玩具店負責人報警，指一名男子與一名小孩偷去店內一盒玩具車，約值一千元，案件現由灣仔警區刑事調查科第6隊調查。

獲鴻興玩具授權轉載

更多文章:

旺角14歲少年教胞弟做功課情緒激動 敲碗意外傷弟額頭

美國小一女童收 鑽戒 嚇壞媽媽 竟是6歲男童偷嫲嫲戒指「告白」