星二代｜徐榮女兒出戰《ACE TALENT 演藝模特大賽》晒側手翻絕技 吳文忻患病仍到場撐兩女兒

年度港韓演藝界盛事《ACE TALENT 演藝模特大賽》junior組別日前舉行首輪初賽，終極勝出者有機會到韓國參加亞洲區舞台表演。韓國社長Yong Heo、大會首席執行官Dr Angel唐安麒也有出席初賽。當日逾百名參加者中，有多名來自韓國一級演藝學校「YS韓國偶像學院」的尖子參賽，其中11歲的胡若希先拔頭籌勇奪人氣獎，而Ethan、Payton及Karlos則奪團體人氣獎。

徐榮花500萬港元為栽培子女興趣

日前徐榮自爆為栽培子女，在教育及培養興趣等方面花了500萬港元，而在「包包」身上更花了逾200萬港元。初賽當日徐榮接受訪問，問到為何安排現年9歲的「包包」入讀YS，他指「包包」入讀YS一年多以來，舞技進步不少：「見到囡囡喺跳舞上有得著，佢每次練完舞都會躹躬，佢話係一套動作，我覺得佢比以前有禮貌同紀律。」

今次女兒出賽，將拍新劇《新聞女王2》的徐榮，開工前都來全力支持，包括接送女兒「做司機」：「對個女嘅支持，就係車出車入接送攞嘢，等佢可以專心應付比賽，我好似做助手咁，不過做得好開心。佢哥哥雖然要踢波嚟唔到，但出門前都攬攬妹妹。」

對於「包包」作為星二代會否有壓力，徐榮說向來教育女兒凡事都要公平對待及競爭，不會「因父之名」而有特別待遇。他說：「其實佢嘅舞技好專業，我只可以教佢啲表情管理。佢正式跳舞都係3、4年，雖然佢係好鍾意同埋有恆心去練，但講到入行，都係等佢大個之後自己決定啦！」

吳文忻為兩女打造妝髮

另外，同樣是廿四孝媽媽的吳文忻，在養病期間堅持親自到場，為一對寶貝女打氣外，女兒們出戰的造型包括化妝髮型由她一力打造，更出動私伙首飾。

曾被網民封為「IU 2.0」的Scarlet，今次和妹妹Season出賽。吳文忻接受訪問時被問到有否向女兒們分享舞台經驗，她說：「其實佢哋唔鍾意我嚟，因為佢哋大個，唔想大人睇住！我同佢哋講，上到台要望遠啲，要enjoy舞台，如果緊張就笑啦！唔記得都唔緊要，如果試咗係唔得，咪知自己適唔適合囉！因為佢哋之前係學校合唱團，未試過Solo，所以今次畀佢哋train吓，係自信心嘅訓練。」

吳文忻爆女兒想做演員與歌手

吳文忻又表明不限制女兒入娛樂圈：「冇得想，亦冇得反對，要佢哋自己決定。我都唔係咩星，所以佢哋都冇『星二代』呢個諗法，佢哋只知媽媽選過港姐、拍過戲。（會畀個女選港姐？）佢哋係講過想做演員同歌手，所以今日出賽係好好嘅經驗。」

吳文忻指，安排女兒們入讀YS，是想她們接受正統韓國演藝課程：「幾廿年前家長都會想畀個女學芭蕾舞，而家年代唔同咗，小朋友同啲同學開口埋口都係講K-POP，所以想搵間有韓國背景嘅學校。以前囡囡跟住YouTube跳，去咗YS學習後真係好大轉變，以前舞步好浮，而家好紥實，好有自信！」

星島頭條授權轉載

更多文章：

霍啟剛 郭晶晶11歲大仔文質彬彬 身高直逼父母 兩千金五官精緻

Anson Lo重遊Band 1英中母校 寄語活在當下：珍惜自己擁有的幸福

即登記成為Oh!爸媽會員，或加入Whatsapp媽媽谷，緊貼第一手親子資訊。