Now《經緯線》負資產32歲港女 擁5層樓蝕千萬 嘆犧牲生活質素 $1000一餐呻慘

Now新聞台時事專題節目《經緯線》日前播出的一集以「再見負資產」的專題報道，內容提及香港樓價自2003年沙士後升至2021年歷史高位，之後拾級以下，至今回落近三成，隨之而來的負資產宗數，今年第一季升至近4.1萬宗，創22年新高。其中32歲港女Charlene的負資產經歷：「我之前食開一餐就2、3,000嘅，但而家有時就變咗食lunch囉，可能800至1,000蚊咁樣囉」，在網上竟起熱話。

港女Charlene後悔供樓犧牲生活質素

在節目上，Charlene在大學時期因炒股票而賺了數十萬，在2015年於深圳寶安區首次買樓置業，其後將物業出售後再於澳門及香港買樓，共持有5個物業，當時她覺得假如自己繼續炒樓的話，一年隨時有過百萬收入，很快有千萬身家。惟近年樓價下跌，令她 手持的5個物業中，有3個屬負資產，帳面損失上千萬元，銀行戶口一度只剩下5、6,000元，後悔供樓犧牲了生活質素。

港女Charlene護理系畢業後做斜槓族

32歲港女Charlene在大學時讀護理系，畢業後決定做斜槓族，選擇做兼職護士，部分時間為一些公司籌辦活動，加上炒樓，高峰期身家的確上千萬元。Charlene先後在深圳及澳門買入4個出租物業，4年前付了兩成首期於新界西買入大個逾800呎的自住單位，買入價約950萬元，當時未夠30歲的她已持有5個物業，覺得自己跑贏同齡人很多。但Charlene後來發覺自己層樓「摸頂」入市位，至今供款4年，尚欠銀行700多萬元，惟單位估價跌至不夠700萬元，即已成為負資產。

Charlene最難捱時是上年收入大減

Charlene指出最難捱時是上年收入大減，但正為5層樓供款，每月供款合共約6萬元，她需從積蓄中拿出3、4萬元供樓：「嗰陣以為樓價會永世咁樣升，但係估唔到一跌會可以跌三、四成。上年嘅上半年最差，銀行戶口得番下5、6,000元，但係我又要交雜費，差餉、水電煤，我冇錢開飯，但我又唔可以負資產咁樣放，因為我要賠錢畀銀行，嗰陣我係日日喊囉，其實都唔知點搞」。

Charlene為了供樓而犧牲生活質素

Charlene坦言為了供樓而犧牲了生活質素：「我之前食開一餐就2、3千嘅，但而家有時就變咗食lunch囉，可能800至1,000蚊咁樣囉，或者甚至喺屋企食，跟住以前買開啲MS、LV呀，即係而家可能買啲幾百、1,000蚊嗰啲包包，講緊3、4萬剩係供緊一層中產都不如嘅樓，咁其實我都有啲後悔。」Charlene目前帳面損失逾千萬，她形容自己10年努力「一鋪清袋」：「我覺得自己最錯就係笠咗太大頂帽畀自己，大灣區加埋澳門加埋香港都借咗2000萬。」Charlene又稱在跌市中得到很大教訓，醒悟出「其實係資本去鼓勵啲人畀一兩成首期，跟住慢慢供，個個都用槓桿去買樓去消費，咁當時個經濟咪好囉，但係其實個人層面同社會層面係兩回事嚟㗎嘛，你應該係考慮自己個未來，你唔係跟住個社會去轉。」

網民對「賣慘」經歷有異議

不少網民對Charlene的「賣慘」經歷有異議：「呢個女士沒有後悔？佢仲喺度炫耀佢食緊1千蚊飯， 幾多香港人仲係食緊35蚊兩餸飯，仲係有樓住，仲話中產都不如的樓， 佢而家瞓街試下就知喇 ，佢曾經風光過啦 ，有咁耐風流、有咁耐折墮。」、「一餐$2000-3000？而家變咗$800-1000 lunch ？？？點會唔負資產⋯」、「我聽到都打咗個突，日日食Omakase咩」、「食一餐2、3,000，佢食金？」、「貧窮限制思想，原來負資產都可以咁離地」、「我住咗香港和九龍20年每日都係食魚蛋粉、雲吞麵、大家樂，原來人哋負資產食啲嘢都冇我咁慘」、「我都唔知自己睇咗啲乜，銀行無晒錢但又可以食咁貴。」、「我而家係聽佢曬命定聽佢訴苦？」

星島頭條授權轉載

更多文章：

國泰空姐誤將白酒當水給3歲童飲 港媽不滿善後：我們一直灌水才沒事 國泰：深切歉意 已提補償方案

黃澤鋒 | 高齡媽媽陳麗麗懷第二胎 小黃妃宣佈做家姐

即登記成為Oh!爸媽會員，或加入Whatsapp媽媽谷，緊貼第一手親子資訊。