94歲TVB御用婆婆 許碧姬 近況曝光 為中風癱瘓女兒勞碌 曾於邵氏做配音員

TVB知名資深的綠葉演員、人稱「碧姬婆婆」的 許碧姬 ，入行多年演過不少慈祥老婆婆角色，於是被稱做「TVB御用婆婆」、「執紙皮婆婆」，曾經有一段時間在經常於不同的劇集中出現。近年，已經94歲的許碧姬未再活躍幕前，日前有網民在FB群組「90年代回憶 （新版）」中公開尋人，希望知道許碧姬的近況。

「碧姬婆婆」許碧姬近況曝光

發文一出，已經有不少網民留言討論，有人說：「以前好鍾意睇佢演戲，好耐無見佢出現喇，唔知近況點？希望佢身體健康。」、「婆婆長相好慈祥，好得人喜愛。」、「有沒有她消息嗎？她還在嗎？」終有網民透露：「還在呀，希望佢長命百歲。」、、「有谷友話佢現在輪椅代步中。」、「元朗居住？（在雞地見過佢幾次）」、「我以前在凹頭都見過佢幾次。」，還有不少人留言祝碧姬婆婆「身體健康，快快樂樂。」

許碧姬60歲時正式簽約入TVB

許碧姬早於46年因難民潮跟隨父母從汕頭到香港，當初一句廣東話都未識講，不過已經15歲的許碧姬因超齡無法入學，惟有報讀英文夜校。機緣巧合下加入聲演潮洲話劇團，其後不單有機會於香港電台做配音員，還為邵氏出品的電影配潮洲話。

許碧姬曾表示：「以前配音每次都要起碼睇四次以上，因為首先要將對白都記入腦，之後先開始配音，唔會好似而家咁有機器，有個螢幕可以一邊看一邊配。」到了1966年，許碧姬結婚並誕下四個仔女，直到兒女長大成人後，她覺得在家生活太悶，湊巧看到TVB登廣告招聘演員，於是寄信應徵，結果許碧姬在1991年剛滿60歲時正式簽約入TVB，而最為人所熟悉的角色包括09年TVB電視劇《巾幗梟雄》的梁四（四婆）和10年《巾幗梟雄之義海豪情》的骨嫲。

許碧姬為大女繼續拍戲

許碧姬她表示頭20年的茄喱啡生涯全因「無聊」二字，因為自己閒在家中又沒事做很悶，即使演執紙皮婆婆，她亦毫不感到難堪：「人哋唔肯做，我統統都鍾意去做！其實啲劇組朋友好錫我，會先清潔乾淨垃圾桶，髒的都拿走，再擺準備好嘅垃圾入去，佢哋都好錫我哋㗎。」

其後許碧姬為大女繼續拍戲。許碧姬的大女在1996年只有36歲的時候腦中風，四肢癱瘓失去自理能力，待6年終於等到元朗區的療養院，當時許婆婆住在沙田，但仍每日長途跋涉搭巴士探望愛女，有閒餘時間就去拍戲：「要拍戲得半個鐘都去，佢習慣見我，拍戲有好多嘢同佢講，影相畀佢睇吓。」婆婆更表示：「無論對白多定少，我都鍾意去做，因為咁樣係為咗我個女。」

許婆婆跟演員合照後與大女分享

許婆婆為了躺臥在床的女兒得以看見世界，所以一直堅持拍戲工作：「大女不嬲都鍾意睇電視，又鍾意明星，我諗我去做吓戲，就可以有好多明星合照，畀佢高興吓。」許碧姬每次跟演員合照後，都會與大女分享：「我同大女講：『我同劉德華講好簽個名畀你。』佢不知幾開心。雖然佢躺喺床上，但個腦好清醒，晚晚同我睇明珠台，我話：『阿女，要去瞓啦！』佢要睇晒先捨得瞓。

女兒患病19年後離世，雖然至今已過去多年，但許婆婆依然想念女兒：「雖然佢過咗身，我好寂寞，不過唔緊要啦，我同佢去旅行影咗好多相，成日都拎返出嚟睇，咁個心舒服啲。我諗住佢病咗咁耐，19年咁長，佢辛苦我又辛苦，都希望佢早日得到安息。」

獲星島頭條授權轉載

更多文章：

艾威太太Lisa求肝續命 突細菌感染病情再惡化 神智不清求生意志下降 獲周潤發相助

艾威老婆肝病惡化病情告急！家庭成員全部健康不合格 FB緊急呼籲尋找熱心人士捐贈：十萬火急

即登記成為Oh!爸媽會員，或加入Whatsapp媽媽谷，緊貼第一手親子資訊。