月入2萬元中年漢當新手「窮爸爸」 網民力撐窮有窮養：我公屋長大回憶溫馨
2025-05-31
^示意圖，非當事人
有中年網民日前在網上報喜，指太太懷有身孕，自己當上了月入2萬元的「窮爸爸」。不少網民都對這位「窮爸爸」送上無限鼓勵和祝福，勵志地力撐「窮有窮養」，強調「我公屋長大回憶溫馨」。不過也有網民潑冷水，坦言「2萬真係好難搞喎師兄」。
童年窮得開心
樓主本月27日在社交平台Threads發帖，自爆「噚日醫生證實咗，我老婆有咗BB，從此我就係月入2萬蚊嘅窮爸爸。以前一直唔肯生仔，因為自己貧窮帶來下一代不幸，但最近係Thread見好多人話自己童年窮得開心。令我明白到，小朋友無論住公屋，定係住山頂，一樣咁幸福」。
不少回應的網民落力鼓勵樓主，指「2萬唔算窮啦」、「兩萬都唔算好差，咪公一份婆一份囉」、「2萬，唔窮了。10年前得萬三四蚊，都做咗爸爸。好彩依家有3萬蚊」。
有網民自爆「同你差唔多收入，我買咗樓，窮有窮養，加油呀」、「Ok啦，我爺嗰陣月入1萬都生咗我老豆」、「窮都可以生活得好，祝BB愉快成長，我爸爸都係養3個」。