Coffee林芊妤第二胎染色體報告結果出爐：唔敢覺得完全冇事 曾憂BB最壞情況活不過一歲

35歲 林芊妤 （Coffee）2018年與圈外男友翟志榮結婚，同年誕下囝囝翟德彥（伯伯），因林芊妤在2021年不幸流產，所以已經放棄再生的念頭，不過上月28日林芊妤在社交平台透露懷孕四個月，但進行無創胎兒DNA「T21測試」，結果發現「13號染色體異常」（帕陶氏症）出現踩界情况，最壞情況可能會導致BB兔唇、多一隻手指、腳趾，或者智力有問題等，甚至小朋友或活不過一歲。林芊妤哭成淚人，要數度停下來整理情緒，她又稱：「我而家搵多兩間化驗所去驗，仲係等緊報告，所以都好緊張。」

林芊妤擔心有產前抑鬱

林芊妤(8日)出席活動，她交代報告情況和懷孕心情，「他們也會擔心我是否有點產前抑鬱，事實上我確實有這種感覺，覺得自己不太OK。比如我會無緣無故開車時哭，或者做事時心不在焉，常常會不自覺地流淚。我覺得這是個預兆，所以我應該要停止這種情況。雖然我很希望它能停止，但其實我一直沒有發洩出來，因為不想讓身邊的人擔心。所以當我拍影片時哭，我自己也無法理解。」

Coffee林芊妤對二胎檢查結果打定輸數

林芊妤（7日）在YouTube頻道「Coffee林芊妤」更新目前情況，林芊妤多謝這段期間一直關心和支持她的觀眾，表示聽了很多有類似經驗的媽媽意見：「雖然我屋企近排發生咗啲事，係有啲唔開心，不過我都要啲時間慢慢消化。」林芊妤在另一醫生建議下，接受另一項名為Nifty的同類檢查，豈料結果依然一樣：「我已經打定輸數。」更一度陷入「覺得被詛咒」的陰霾中。

Coffee林芊妤：好多器官正常

林芊妤在片中稱因BB在5個月大需要照結構，於是她又在醫生的建議下，找來一個母體科很出名的醫生提早照胎兒結構，林芊妤說：「嗰陣醫生好詳細解釋，話喺3、4個月已照到7、8成，知道BB究竟有冇事，如果我係confirm到T13有事嘅話，佢叫我放心，佢話係好容易睇，因為小朋友有嚴重障礙，身體會有好部份顯示出嚟。」林芊妤續說：「醫生喺照嘅過程睇到BB嘅腦，血管流都冇問題，眼鼻耳身體結構所有都冇問題，佢仲話而家咁樣check，幾肯定小朋友係唔會有啲大問題，睇到佢有好多器官正常。」不過林芊妤仍未放下心頭大石，她追問醫生︰「佢而家冇事，會唔會到5、6個月先出現問題？醫生話唔會，因為基因係由精子同卵子結合嘅時候已經形成咗，係冇得改變，由嗰刻已經決定嘅生死，如果有問題係會睇到。呢番話好似幫我打咗強心針。」

Coffee林芊妤抽羊水再檢查

不過林芊妤沒因報告呈陰性而完全放鬆，本身決定在17周進行抽羊水：「嗰陣覺得無論點都好，我都好想抽羊水，盡最後一刻努力。」與此同時，林芊妤除了抽血進行66樣罕有疾病檢查外，同時進行一項名為Panorama的美國基因檢測，因為這技術更為先進，能精準區分母體與胎兒的DNA，數天後，好消息傳來，Panorama報告顯示一切「低風險」，寶寶患有T13的機率「低於萬分之一」。收到報告當下，林芊妤坦言自己和老公都鬆了一口氣，老公更馬上親了她一下，並認為既然美國的報告顯示沒事，便毋須再擔心。

Coffee林芊妤：唔會放棄

本來林芊妤和老公都覺得不用再抽羊水，不過從一位朋友經歷分享，得悉當日因沒做抽羊水檢查，結果孩子出世後才發現染色體出問題，影響成長，林芊妤的情緒又跌落谷低：「正常收到美國嗰份報告係開心，但係我唔敢開心，唔覺得自己冇事，離唔開嗰個陰影，當兩份報告都話有灰色地帶，一直嘅擔心，對我原來創傷太大。呢個驚係會去到生BB一刻為止。」對於會否抽羊水決定，林芊妤仍十五十六：「做完抽羊水，普通拉筋動作都有風險，所以做完的話，醫生要我乖乖瞓床四星期，唔可以做運動先安全。我家而心情係十五十六，到底好唔好等到20周照多次結構，先決定抽唔抽羊水，但等埋報告，胎兒已經24周，會唔會時間又太遲。」林芊妤還說：「喺呢段日子，好感激好人留言鼓勵，我冇睇到任何負面留言，我只睇到正面留言。直至呢刻，我會懷住呢個孩子，唔會放棄。除非最後決定抽羊水，而結果又唔好的話。」

星島頭條授權轉載

更多文章：

數學試題現「姜圖」、「瀚霆」及「安安」惹不滿 家長：為人師表專業少少得唔得？

「還珠格格」趙薇女兒近照曝光 亭亭玉立會打扮 獲媽媽悉心栽培 15歲留學瑞士