鍾嘉欣分享浴缸自然分娩過程 誕下三胎後拒絕再做1件事
2025-08-15
41歲的 鍾嘉欣 今年與脊醫老公Jeremy Leung結婚10年，二人育有兩女一子，定居加拿大生活。鍾嘉欣近日返港，接受鄭裕玲（Do姐）的商台節目《口水多過浪花》訪問，分享自然分娩的過程。
-
- 鍾嘉欣2015年嫁脊醫老公Jeremy Leung。
-
- 鍾嘉欣婚後積極造人。
-
- 鍾嘉欣結婚10年誕下兩女一子。
-
- 鍾嘉欣2016年在加拿大誕下大女Kelly。
-
- 鍾嘉欣2018年9月在家中分娩，順產誕下兒子Jared。
-
- 鍾嘉欣2022年10月誕下細女Anika。
-
- 鍾嘉欣已是三子女的媽媽。
-
- 鍾嘉欣原本想生4個，最後3個封肚。
-
- 鍾嘉欣接受鄭裕玲商台節目《口水多過浪花》訪問。
-
- 鍾嘉欣曾公開細女在家中出世的影片。
-
- 鍾嘉欣臨盆之前，在家中做準備。
-
- 鍾嘉欣坐在瑜伽球上。
-
- 鍾嘉欣開始做生產前的催生運動。
-
- 鍾嘉欣表示非常緊張。
-
- 鍾嘉欣有不少事前準備。
-
- 鍾嘉欣臨盆在即。
-
- 鍾嘉欣走進浴室進行生產。
-
- 鍾嘉欣看似很痛苦。
-
- 鍾嘉欣公開過程。
-
- 鍾嘉欣細女出世。
-
- 鍾嘉欣平安誕女。
鍾嘉欣對婚姻有憧憬
鍾嘉欣表示當年公司合約沒有規定不能結婚，突然遇上Jeremy，便勇敢決定人生大事。鍾嘉欣笑說自己對婚姻有憧憬：「結婚就可以生仔，生囉，生完一個又一個，好事嚟嘅，嗱嗱臨搞掂。」小朋友快點長大便可以早日甩難。
原計畫生4個
鄭裕玲問到最初計畫生幾多個時，鍾嘉欣舉起4隻手指說：「想要4個，但當我哋有第3個，就發現攰到一個頂點，唔可以有第4個，因為我自己湊。」
鍾嘉欣因為不習慣有其他人在家中，會感到不方便，沒有請人湊B，好彩在加拿大有四大長老幫手：「嗰時未生過，生完第1個攰到阿媽都唔認得，如果請咗一個人，要睇佢面色。」所以生完3個後就決定封肚。
陀B身體有變化
鍾嘉欣提到懷孕時的辛酸：「最艱難係陀嗰陣荷爾蒙同成個身體有變化，每個女仔都唔同，我嘅變化幾犀利，雖然外表上幾苗條，但有啲位腫腫地，好痛啦！我生係自然分娩。」原來鍾嘉欣的母親當年選擇自然分娩，因此她也想有同一經歷。
鍾嘉欣順產生完第一胎後，恢復時間較長：「我行路有啲唔方便，因為我裂得好犀利，好似講到好核突咁。」鄭裕玲不諱言因為現在好多人都沒有經歷自然分娩，鼓勵鍾嘉欣。
鍾嘉欣繼續分享其順產經歷，生仔時的皮肉之苦會令人成長：「會體會到力量比想像中大好多，我生完小朋友後變咗個好勇敢嘅人。」鍾嘉欣表示以前好怕醜好細膽，生完後日後睇嘢有所改變。
初為人母感受
大女Kelly出世時，鍾嘉欣直言初為人母不習慣：「我望我大女Kelly，一嚿紅色嘅嘢，周圍都皺晒，啲白帶咁，你係我個女？」鍾嘉欣表示兩母女需要時間陪養感情，感受好豐富。
鍾嘉欣生第二胎、第三胎時選擇在家中，原來當時湊女返學時，遇到一位同樣懷孕的太太，得悉可以在家中誕B，覺得好原始而感興趣。鍾嘉欣笑說：「我越生我越識生，原來有學問。」鍾嘉欣指躺平因為有地心吸力，如果用蹲下去的姿勢，母體會自然將BB生出來。
鍾嘉欣說：「你當自己係一隻狗、或者馬、豬，佢哋唔會趴喺度生。你一自然擘開，死喇！好核突添，佢就會瀡落嚟。」鍾嘉欣表示再加上聲線，越低頻率就會幫助生產。
再生搞唔掂
鍾嘉欣表示飲食習慣都會對生仔過程有影響，而且在家中生產後不用縫針，鍾嘉欣笑說：「好得意㗎！即刻行到路，好靚㗎！」鍾嘉欣最終沒有生第4個小朋友，坦言因為攰：「生唔係一個問題，生幾多都得。你湊、負責任，照顧佢，養兒一百歲，長憂九十九，我要做3個喎，已經300歲，再多個就400歲，我搞唔掂。」
順產與剖腹
根據香港港安醫院資料，媽媽選擇順產還是剖腹產，需因應個人情況和生育計劃而定，因每個孕媽媽都面對個別的不同情況。在生育計劃方面，媽媽可先考慮生幾多個小朋友？如果只生一個，剖腹產比較有利，因為日期、心理預備上等都可控制。相反若生兩個或以上，順產會是較佳選擇，因順產次數越多，分娩就越順利和快速；當子宮頸曾經開啟，之後再開啟的時間會起碼快一倍。
順產與剖腹利弊
|
順產好處 |
剖腹產好處 |
|---|---|
| 最自然的生產方法 | 可預約日期、時間生產，心理上較有準備 |
| 康復較快，產後2、3天可出院，比剖腹早1、2天；生產後已可落床，可吃飯和肉 | 可撇除難以預測的因素，如順產過程中，可能需要使用真空吸盤或產鉗等 |
| 傷口範圍不大，產後不需承受強烈痛楚 | 毋須承受十級生產陣痛 |
| 沒有手術風險 | 避免順產1至2成需轉為緊急剖腹產的機會 |
| BB由產道出生，過程中把肺水逼出，出生後肺部會較強壯，呼吸較佳 | BB在不受子宮收縮和產道壓力情況下出生，對成長有問題的胎兒較好 |
| 過程中可有丈夫陪伴、鼓勵，促進夫妻關係 | |
| 價錢較為相宜 |
|
順產壞處/風險 |
剖腹產壞處/風險 |
|---|---|
| 37至41周期間，都可能出現分娩跡象，心理上難以預備 | 有1至2成手術失敗風險，若媽媽有長期病患，手術風險會增加 |
| 穿胎水後，胎兒有機會受到感染 | 康復時間較長，比順產遲1至2天出院 |
| 若媽媽有HPV病毒、疱疹，有機會傳染予BB | 傷口範圍較大，痛楚較強烈及維持時間較長 |
| 需要承受十級強烈產痛，當然現時醫學上已具備各種止痛方法，甚至有效果顯著的無痛分娩方法 | 腹部和子宮留有疤痕，而且若要再次剖腹生產，會因疤痕而增加難度 |
| 順產過程就如劇烈運動，盆腔肌肉會受損而變得鬆弛，可引致將來子宮下垂、失禁問題；順產次數越多，情況越明顯 | 二次或以上剖腹生產，會增加懷孕及生產風險，如出現胎盤前置 |
| 有產後併發症風險，如會陰傷口發炎、肛門撕裂等 | 有產後併發症風險，如剖腹處傷口發炎、子宮附近器官受損等 |
| 有轉為緊急剖腹產的可能，如順產過程中胎兒心跳減慢 | 價錢較昂貴 |
獲星島頭條授權轉載
更多文章：
呂慧儀 慶祝兒子11歲生日 臉貼臉溫馨合照 離婚7年自爆一個「心願」
即登記成為Oh!爸媽會員，或加入Whatsapp媽媽谷，緊貼第一手親子資訊。
