2016-08-16
話說我早前為左進修一下我嘅BB班廚藝，所以我就行書店時買左本湯水書。其實我一打開本湯水書就已經俾依個湯吸引左我，鳳梨(菠蘿)都可以用嚟煲湯？仲要加埋苦瓜一齊煲，唔知係咩味呢？作為一個菠蘿控的我，當然要煲嚟試下啦！其實菠蘿可以消暑解渴， 去濕消腫 ；苦瓜就可以散熱解毒；黃豆就係健脾益胃，所以呢個湯就可以清熱潤燥，好啱夏天飲用。
材料包括：菠蘿一個、苦瓜一個約一斤(由於我買依兩個係細SIZE)、蜜棗四粒、黃豆約半飯碗及排骨約$40~
排骨洗淨汆水備用；蜜棗及黃豆浸洗一陣~
苦瓜去籽切塊，汆水後瀝乾，汆水可以減少那一種苦味~
到處理好似係最困難菠蘿，其實初時我都因為唔識去皮，但原來都唔係好難，好似切西瓜咁先嚟一開四~
下頁: 做法