方力申佗B八個月孕妻入院惹擔憂 交代老婆葉萱最新情況 感嘆媽媽唔易做
2025-10-03
45歲的方力申與太太葉萱（Maple）結婚八個月，已造人成功，囡囡將於12月出世，方力申早前開心分享即將成為人父的喜悅。方力申近日在IG限時動態透露，正陀B的葉萱近日多度見暈，原來因「唔夠鐵質」，要入院輸液「補鐵」，消息曝光後，方力申收到不少人關心其妻的情況。
方力申開工未能陪妻
方力申由於之前指太太連日來出現頭暈情況，由於全日要工作，要麻煩姨仔代他陪葉萱到醫院「補鐵」，葉萱接受靜脈注射鐵劑期間，嬌嗲叫老公方力申：「快啲返嚟！」今日（3日）在IG限時動態出PO，透露正坐車往內地工作：「我依家去緊茂名工作，突然收到太多messages…要『急』回應大家。」
方力申交代太太葉萱入院情況：「我太太唔係緊急入院，我寫得我清楚：『琴日見暈，今日入院』好似吊鹽水咁，保（補）鐵質而已，多謝大家關心。」不過方力申補充太太葉萱今日仍有頭暈問題：「雖然佢啱啱都話暈。哈哈，冇事冇事，喺屋企休息。#媽媽唔易做 #母親的偉大」。
方力申透露陀B的太太葉萱及自己近況:
葉萱打算順產
自葉萱懷孕後，方力申非常緊張老婆，有時間便會陪太太做產檢，得悉BB一切正常感安心外，因葉萱想順產，早前已物色心儀醫院，又去參觀醫院房間及產房，超前部署迎接囡囡的來臨。
獲 星島頭條 授權轉載
更多文章:
童黨欺凌內情曝光 14歲少女笑人妓女惹童黨報復狂毆 警迅即拘5男女
七旬婦玩FB誤信「投資專家」 下載詐騙App「GANTA」慘失$1472萬 蘋果商店仍見程式
