賴慰玲 大仔演「少年關智斌」急速成長 盼有有個快樂童年

現年39歲的 賴慰玲 （Winki），2012年與舞台劇演員梁子峰開始交往，及至2017年7月公開懷孕消息，兩人於同年8月28日結婚，並於年底誕下一子，及至今年她再誕下細仔Kavis。賴慰玲誕子後極速復工，更現身參與慈善工作包括慈善跑活動。賴慰玲指，大兒子Marat參與後從此愛上跑步，她笑言：「佢話想跑3K，我就幫佢報，而且佢每次都話要同爸爸一齊練跑，佢真係愛上咗跑步。」不單如此，Marat最近更踏台板，於關智斌的演唱會上扮演「少年關智斌」，直言「有呢啲過程嘅小朋友成長得好快，佢可以處理嘅嘢，我哋想像唔到！」

賴慰玲大仔愛上跑步

賴慰玲指大仔最近愛上跑步，而且跑得認真，加上家中有個跑馬拉松的爸爸，更推動了全家一起參加慈善跑。賴慰玲說：「嗰次之後佢就話想跑3K，我就幫佢報，而且佢每次都話要同爸爸一齊練跑，佢真係愛上咗跑步。所以好想陪住佢參加呢啲，我仲應付到嘅3K跑。 」今年母子二人除了繼續落場挑戰障礙賽，更找了許多圈中父母一同參加，希望小孩玩樂「放電」的同時，亦都了解貧困國家兒童的情況，讓他們學懂珍惜及伸出援手幫助別人。

賴慰玲大仔演「少年關智斌」急速成長

最近Marat亦在關智斌的演唱會上扮演「少年關智斌」，與關智斌同台表演，獲網民高度讚賞。她指，當初之所以讓兒子隨兩夫婦之路踏台板，都是緣份。賴慰玲說：「我哋（她與丈夫梁子峰）都係舞台劇出身，所以大仔成長都睇好多舞台劇，佢對呢樣嘢唔陌生。直至有朋友邀請佢幫手，我就問佢係咪OK。其實佢唔知咩嚟，我就講個情況畀佢聽，佢真係諗咗陣，就話：『可以！』沿途戲劇指導一直畀好多情緒價值佢，話佢做得好好！所以過程裏面佢好享受。」

但始終是第一次作大型公開表演，只得7歲的Marat難免緊張！賴慰玲：「去到台面，佢就自己經歷嗰啲緊張、驚心動魄、唔可以甩漏！有呢啲過程嘅小朋友成長得好快。佢可以處理嘅嘢，我哋想像唔到！」既然有良好體驗，她又會繼續培育Marat成為演員嗎？賴慰玲笑指：「我唔會㗎，我覺得事情會發生就會發生，佢想就做，佢唔想就唔做。有好多嘢可以玩嘅，最緊要有個快樂嘅童年，見到佢有笑容就夠。」

賴慰玲心郁郁重回舞台劇界

賴慰玲出身自來舞台劇，到後來才走入電視圈。談起劇場，她坦言自己都「心郁郁」想再踏台板，「有時而家去睇舞台劇都好心郁，咁多年都好想做但未有機會，有時同舞台劇啲朋友見面都話：『不如搞啦？你搞預埋我丫？』開始覺得係時候（重返）。同埋我去咗人生第二個階段，同以前喺台上紮紮跳有啲唔同，可能有啲新嘅領域可以試吓。 」

近來劇界非常熱鬧，無論大、小劇場都吸引到大量觀眾捧場，絕對是業界走過疫情後的強心針，賴慰玲：「當然係好事，我諗無論大嘅表演定細嘅表演，大show吸引到多啲未入過劇場嘅觀眾係好事，然後呢班觀眾可以繼續去睇細劇場嘅show，咁就百花齊放。因為以前好多係細劇場嘅show，睇開就係嗰班人，而家就有新嘅觀眾。」她指，接下來將會接拍新劇，又想重踏台板。

賴慰玲最近參與慈善跑活動，她透露主因是大仔Marat表示想參與：「兩年前都參加過unicef嘅慈善跑，嗰時諗住打下卡，我仲著咗對有platform嘅波鞋，冇諗住跑得好激烈。我話：『仔，行下啦』，佢用好誠懇嘅眼神話：『我真係好想跑！』，點知佢真係穿插一群人，跑到去對面，佢好開心，佢個笑容好深刻，運動帶畀一個人嘅快樂好純粹、好簡單。」

獲星島頭條授權轉載

其他文章：

何猷君6歲仔生日 兩特徵神似爺爺何鴻燊 家族首名男內孫 甫出生獲賭王賜名

許紹雄生忌 愛女分享亡父生前影片 發文悼念：我就當你去咗開工

即登記成為Oh!爸媽會員，或加入Whatsapp媽媽谷，緊貼第一手親子資訊。