【兄妹情深】《城寨》朝霞給哥哥的感人「遺書」

最近熱播的電視劇集《城寨英雄》贏盡全城口碑，當中描述的兄妹情令人動容，連陸永及女兒都睇到淚流連連。最新一集講到王君馨飾演角色「朝霞」慘死。當劇集播完，王君馨於社交網站先後上載三封「遺書」給陳展鵬所演的哥哥「拳佬」、及哥哥的愛人「刁蘭」。 

==================

「朝霞給哥哥的信」

哥！好開心咁多年後都可以見返你！喺我地（哋）相認呢段日子裡面好感受到你對我嘅照顧同愛。希望你唔好為左（咗）我報仇，好似我為啊爸啊媽咁 冇左（咗）自己嘅人生。記住要好好照顧三姨婆，得閒買多啲茶粿俾佢食！同埋，刁蘭真係一個好好嘅女仔，值得你一生一世保護同愛錫她！我代你原諒左（咗）佢啦，聽阿妹話，快啲同刁蘭結婚等三姨婆可以飲番杯新抱茶！仲有， 你原諒阿風啦， 佢屋企人唔喺度，一時間接受唔到先會做左（咗）一個錯嘅決定。你係佢唯一嘅好朋友，你要體諒佢，照顧佢，搵返個好女仔俾佢，等佢唔使一個人孤零零。我唔喺度，你記住唔好再咁百厭，要繼續開開心心生活落去！
永遠掛念你的阿妹，

朝霞

=====================

不久之後「朝霞」再寫了一封《朝霞給刁蘭的信》，向劇中「阿嫂」胡定欣表訴心聲：「刁蘭，我可以叫你阿嫂嗎？你應該都唔會拒絕嘅。雖然我地相識嘅日子唔長，但我睇得出，你係一個有情有義嘅人，好照顧身邊需要幫忙嘅人，而且對阿哥一心一意，希望你可以幫我好好照顧佢。雖然佢有時有些小朋友脾氣，做嘢又衝動，唔經大腦。但佢好顧家架！係出邊賺嘅錢全部都會畀晒你，好好保護你，等你可以無後顧之憂。快啲同阿哥生番幾個小朋友畀三姨婆玩，祝你們可以永遠幸福咁生活落去！」

=======================

常言道世界上有千種愛，只有父母之愛最偉大；世界上有萬般情，只有親情最永恆，兄妹之情，更是世間最大的財富。妹妹有哥哥的愛及照顧是最幸福的人，但換過角度，有妹妹的關愛，哥哥又何嘗不是世上的幸運兒呢?

《城寨英雄》贏盡全城口碑，連陸永及女兒都有追看，更睇到淚流連連。

網上圖片