吳浩康仔仔大肌肉超勁 3歲學踩板+單車 繼承爸爸衣缽做「山地車王」

現年42歲的吳浩康和太太郭思琳2022年結婚，婚後育有一名兒子吳天恩（Jagger），乳名「撑撑」。吳浩康早在兒子未出世前便開始接觸山地車，更曾參加比賽勇奪亞軍，不過因為兒子出生後，又要忙工作，又要忙湊仔，將單車暫時放在一邊。現在「撑撑」只有3歲便開始學踩單車，似乎很快便可以和爸爸一起成為「山地車王」！

3歲仔入坑單車 唔用輔助轆

吳浩康近日在IG分享為3歲大的兒子「撑撑」添置新單車！從相片中看到，單車沒有輔助轆，似乎「撑撑」已經不需要輔助轆的幫忙，便能在單車上保持平衡，相信很快可以和爸爸一起「入山」踩單車享受親子樂！

吳浩康自2019年開始愛上山地車，他曾表示和童年生活有關，「細個住元朗去邊都會踩單車，就好似人車合一咁，到大個咗就好想搵番當時嘅生活，早幾年前鍾意埋Camping，就喺度諗如果喺山度踩埋單車會好正，於是開始買單車、搵教練學。」而他認為山地車的好玩之處在於面對路面不平的路，非常刺激及有挑戰性！

吳浩康曾獲山地車比賽亞軍

2020年，吳浩康首次參加山地車比賽——「2020香港越野單車挑戰賽」便獲得壯年組亞軍。他賽後表示自己沒有想過得獎，「因為太心急行錯路，浪費了13分鐘之餘，還要再爬坡追回時間，我只係用盡我識嘅方法去過每一個section，不停踩不停踩！今次表現得唔好，但係比賽中，我盡情！」

一家人踩板親子樂

不止踩單車，「撑撑」還喜歡踩滑板！去年，吳浩康曾分享和兒子一起踩板的影片，可見「撑撑」戴上安全裝備，在爸爸媽媽的扶持下，能順利滑行及上板，而且還能做出Drop in動作，似模似樣！

影片末，吳浩康更大展身手做出基本的滑板動作，而媽媽郭思琳更可以抱着兒子滑行，原來吳浩康和郭思琳拍拖時已有一起踩滑板，看來兒子都有遺傳他們的運動細胞！

吳浩康自前年和英皇娛樂結束20年賓主關係後，轉行做地盤搭架工人，為養家日曬雨淋亦全無怨言，到去年尾更榮升棚架工程公司老闆，成功洗底並被網民稱為「真漢子」。

來源：吳浩康@IG

更多文章：

爸爸擺烏龍誤填女兒名字申請出世紙 媽媽一睇笑爆嘴 網民：重要嘢一定唔可以交俾爸爸

乘客被困安全帶｜城巴稱鎖扣遭錫紙阻礙 疑涉蓄意破壞將報警 運輸署要求交報告

即登記成為Oh!爸媽會員，或加入Whatsapp媽媽谷，緊貼第一手親子資訊。