張致恒認正申請公屋 拒領綜援 為養4子返搬運1年：我好鍾意工作
2026-03-19
張致恒（Steven）早年被爆一腳踏5船，賠上演藝事業，加上2019年與太太區燕雯（雯雯）結婚後連誕四子，導致經濟長期陷入拮据。張致恒日前被堪輿學家七仙羽（七師傅）爆料，欠下七師傅六位數字，又對申請政府綜援、公屋諸多藉口，張致恒老婆雯雯神隱多時，都現身IG時動態回應。
事件曝光後，已轉職搬運工人一段時間的張致恒，在IG上載兩張照片，包括工作照及污黑手心的照片，發文承認暫時「未有本事還到錢」，又透露已申請公屋一段時間。
-
- 張致恒曾是組合Boy’z成員。
-
- 張致恒與粉絲雯雯在2019年9月簽紙結婚。
-
- 張致恒夫婦近年多次鬧婚變又呻窮。
-
- 雯雯一度暗示會與張致恒離婚，更表示愧對兒子：「不能給你們完整家庭。」
-
- 張致恒老婆曾自爆有一個兒子患自閉兼過度活躍症。
-
- 張致恒一家六口等飯開。
-
- 張致恒早前曾在IG出Po搵工。
-
- 張致恒近一年做過不同工作，曾到小食店打工。
-
- 張致恒曾在IG限時動態透露搵到工。
-
- 張致恒早前被見到做運輸工人。
-
- 張致恒最近做送貨。
-
- 雯雯為七師傅說話。
-
- 七師傅稱得到張致恒和雯雯為她澄清。
-
- 「大恩人」七師傅在中秋節向張致恒一家大派利是、玩具及月餅給。
-
- 大人細路都大豐收。
-
- 大仔天寶最愛玩具。
-
- 七師傅被天寶錫錫勁開心。
-
- 張致恒昨日（18日）在IG出PO，回應七仙羽指欠下六位數。
-
- 張致恒晒出努力工作的照片。
-
- 張致恒表示：「我從來冇忘記過每一個人嘅恩惠，亦都從來冇諗過唔還錢。」
「冇諗過唔還錢」
張致恒留言：「首先我要感謝七師傅一直以嚟嘅幫助，因為冇佢嘅幫助，我都真係過得幾困難，仲要多謝曾經幫過我嘅咁多朋友，我只能夠講，對唔住而家嘅我仲未有本事還到錢，但係我從來冇忘記過每一個人嘅恩惠，亦都從來冇諗過唔還錢。」
張致恒感謝七仙羽伸援手：「七師傅係一個好好嘅人，好有善心，成日都會主動問我哋過成點，都會問我嘅小朋友 有冇飯食，間唔中仲會買啲零食畀佢哋，其實我係（喺）豐澤已經做咗差唔多一年嘅時間，呢一年裏面，我都好努力去做嘢。」
提到申請公屋及綜援，張致恒承認已排隊中，但不想攞綜援：「好多人問我點解唔去攞綜援申請公屋，其實公屋呢，就已經申請咗一段時間，但係呢個世界唔係話人多就可以快啲攞到屋，同埋我真係唔想去攞綜援，因為我好鍾意工作我好鍾意做嘢。」
張致恒稱因為自己有四個兒子，就算大仔已戒奶，最細的囝囝仍要飲奶及用尿片：「同埋我想提醒一下我係有四個仔，大嗰啲唔飲奶粉唔代表細嗰個唔飲奶粉，再加上我哋唔係飲貴奶粉，最細嗰個未戒到尿片，其實有好多嘢我懶得解釋，要唔信你嘅人永遠都唔會信你」。
獲星島頭條授權轉載
更多文章：
吳文忻公開曾被騙畢生積蓄 變賣嫁妝仍拒絕眾籌：攤大手板問人攞不是我作風
謝婷婷罕曬7個月大兒子正面 大眼睛＋漲卜卜面珠萌爆為媽媽打氣
即登記成為Oh!爸媽會員，或加入Whatsapp媽媽谷，緊貼第一手親子資訊。
