【小小豬】入秋滋潤 雪耳南瓜粟米湯
2016-09-05
兩母子拍拖行街市時，小小豬話好想食紅蘿蔔同粟米，咁依家開始秋涼又係時做要食雪耳滋潤一返，所以煲個雪耳南瓜粟米湯，一次過滿足小小豬幾個願意望啦！
幾款食材加埋一齊煲，就可以利尿降壓，潤肺益胃，祛濕健脾，啱晒一家大細飲呀！
材料都係好簡單，包括有粟米1條半、南瓜半個、紅蘿蔔2小條、雪耳1個、南北杏1兩、無花果4粒、生薑5片及豬肉約$40~
雪耳清水浸泡至軟，撕成小片；薑去皮切片；南北杏及無花果洗淨~
瘦肉洗淨汆水備用；蘿蔔及粟米去皮切塊；南瓜去籽切成塊~
