囡囡學嘅嘢多，身為爸爸反而最怕自己太心急｜Samuel Chan

Emma 近排喺 Aunty Dora 度學 phonics，每星期兩次。見佢由最初連字母都撈亂，到而家可以串出幾個 simple words，仲識得自己讀返出嚟，嗰種感覺好微妙。我唔係話佢已經好叻，而係見到一個小朋友，用佢自己嘅節奏，慢慢解碼一個新世界。

我自己亦都喺「學嘢」。幫佢揾合適嘅學習環境唔容易，最近留意到幾位做 phonics 嘅老師，好似 Phonics Land 嘅 Belinda，佢嗰套理念幾啱我心水，唔係死記硬背，係真係想小朋友理解語言背後嘅邏輯。但係，與其淨係諗「點樣學得好」，我更常諗：Emma 仲想試啲咩？

所以我報咗啲 mini sports 班俾佢，俾佢做吓運動。另外，佢喺另一間centre上緊芭蕾舞班，遊水就揾咗另一個老師屋企學。唔係要佢將來做運動員或者跳到專業級，而係畀一個 platform 佢去感受身體嘅可能性。喺水入面嗰種浮游，跟住音樂擺動手腳，呢啲經驗唔會即刻換成一張證書，但可能慢慢會變成佢身體記憶嘅一部分。