【小小豬】清心潤肺雙耳木瓜湯
2016-09-26
慢慢開始感受到秋天嘅氣味，趁天氣仲未乾燥時就一定要打好個底，所以就要煲定啲滋潤嘅湯，就係咁我煲左個雙耳木瓜湯俾兩位老細飲啦！
今次主角除左係木瓜之外，就係雙耳，咁咩係雙耳呢？咪就係雪耳同埋黑木耳。雪耳係好滋潤我估大家都應該知道，原來黑木耳當中富含膠質，可以滋養肌膚，使皮膚變的光澤有彈性。所以話次依個湯就可以清心潤肺同埋滋潤肌膚，所以話仲唔係大人同小朋友都啱飲！
材料都係好簡單，包括有木瓜1個、百合及白蓮子各1兩、無花果5粒、雪耳及黑木耳各1兩及豬肉約$40~
白蓮子要留意一下中間有冇芯(基本上大多數都已經冇左，十粒有幾粒仲有咁啦)，如果仲有的話就一定要除走，如果唔係個湯就會帶點苦啦~
木瓜去皮去籽及切小塊備用；瘦肉洗淨汆水~
雪耳及黑木耳清水浸泡至軟，撕成小片；無花果及百合白蓮子浸洗~ 