【小小豬】清甜清熱 竹蔗茅根馬蹄蘋果湯
2017-10-04
係我諗唔到煲咩湯嘅時候，最好就係開個MYTVSUPER睇返肥媽節目，搵吓有冇靈感。
平時竹蔗茅根馬蹄水我當涼茶煲俾小小豬飲，今次肥媽教加蘋果同豬肉當湯飲，又好似幾得意咁，唔知甜甜地嘅竹蔗茅根變成湯個味又係點呢？所以就去買齊材料煲下。
同平時煲涼茶嘅材料差唔多，只係加左蘋果、果皮同豬肉，咁就變成一個靚湯啦！
材料就需要以下幾樣：竹蔗兩支、茅根一札、馬蹄約八粒、蘋果三個、果皮一小片及豬肉眼約$40~ 
再提一提大家，係洗蘋果前會用刀刮一圈，刮走那一層果蠟，咁連皮煲湯時就可以飲得安心啲啦~
