【小小豬】舒緩濕疹紅蘿蔔無花果瘦肉湯
2016-11-02
秋天一到，我地三口子都真係乾乾地(我指皮膚)，所以依家一定要煲多啲滋潤及健脾養肺嘅湯水，咁可以幫助補充水份，同時又可以可滋潤肌膚。最重要係如果依家唔好好保持，如果唔係小小豬個濕疹又嚟就大件事。
今次就煲左紅蘿蔔無花果瘦肉湯，既滋潤又健脾，同埋可以護眼添！
其實一向我地煲湯時加入紅蘿蔔，都係因為要佢嘅甜味，唔會成為主角。不過原來用紅蘿蔔嚟做主角，都一樣係好有益，因為紅蘿蔔含有豐富維他命A，可以入肺脾之經，能健脾化滯、潤燥明目，可以增強免疫力，亦有護眼功效。而且秋天仲要係當適季節，不時不食…緊係要煲多啲呀！
材料：紅蘿蔔2條、無花果6粒、蜜棗3粒、淮山10塊及豬肉眼約$40~
蘿蔔去皮以滾筒式切塊；瘦肉洗淨汆水；其他藥材用清水浸10分鐘~ 