【小小豬】粟米鬚紅蘿蔔馬蹄水
2016-11-03
行街市時，終於俾我見到有新鮮粟米芯鬚買，一向小小豬都係好鐘意飲粟米鬚嘅涼茶，所以我都二話不說買左一斤。
其實係今次見到又真係可以話啱晒時機，因為小小豬剛剛係學校打左小一生要打嗰支預防疫苗，係依個時候俾啲清熱解毒嘅涼茶俾佢飲，咁就可以減少發燒機會，所以就煲左粟米鬚紅蘿蔔馬蹄水俾小小豬飲啦~
粟米芯鬚加馬蹄及紅蘿蔔煲湯，味道唔洗講都一定係好鮮甜。粟米芯鬚有健脾開胃及利尿功效，紅蘿蔔就可以補血強身及滋潤解燥，馬蹄就能消食除痰，清熱解毒。將三樣加埋一齊煲涼茶，仲唔係好味又有益，啱晒各位大小朋友呀！
材料粟米鬚一斤、紅蘿蔔一條、馬蹄六粒及冰糖適量~ 
紅蘿蔔去皮切塊；馬蹄洗淨去皮~ 
粟米鬚洗乾淨~ 