【小小豬】番茄薯仔紅蘿蔔石崇魚湯

雖然煲魚湯嘅工夫係做多好多，不過我都仍然好鍾意煲魚湯，除咗小小豬鍾意飲之外，其實魚湯都真係好啱小朋友飲，因為魚類含有奧米加-3脂肪酸和優質蛋白質等多種人體所需營養素，所以飲多啲魚湯就自然有多啲營養。唔同魚亦都有唔同嘅營養，而且係需要適量進食唔同魚類，所以我平時多數煲三文魚、紅衫魚、青根、大眼雞魚、梭羅魚。今日聽店主姨姨介紹，又學識煲多一種魚，就係石崇魚啦！

石崇魚唔係成日有得買，姨姨話佢今批石崇魚好新鮮，所以就介紹俾我。其實如果唔係姨姨講我都唔敢買嚟煲，因為佢個樣又真係怪怪的，不過佢很醜但原來係超有益，佢嘅營養價值很高，有生津、潤肺同埋養顏功效。如果產後或手術後，加一啲中藥材嚟煲石崇魚湯仲可以加強免疫力，同埋幫助傷口恢復。(網上資料)~

第一次煲石崇魚湯都唔搞咁多，就簡簡單單煲個健脾開胃嘅番茄薯仔紅蘿蔔石崇魚湯！