【慈慧幼苗】孩子搗蛋引注意 「故意忽視」作處理

朋友有一個四歲多的仔仔，性格外向，鬼主意多多，平時喜歡不停說話，無論甚麼場合和有甚麼人在場，他都不會害羞，說個不停。前日朋友約我出來High Tea，話要分享下成功用到「故意忽視」的管教技巧。

朋友：「我仔仔唔知點解好鍾意一邊吃飯，一邊說話，仲要係無聊廢話，搞到吃飯時間很長，我和太太都不知怎樣處理。」

我﹕「咁你平時點處理？」

朋友﹕「我同老婆會不斷叫佢唔好講嘢，飯涼了唔健康…之類。上次聽你同朋友傾偈時提過用「故意忽視」的管教技巧，話可以減少為引你注意而出現的滋擾行為。於是，當日我同老婆同工人姐姐就夾好，大家都唔出一粒聲。全程食飯，雖然蚊飛過都聽到有D悶，但他真的很快便吃完飯，仲一粒聲都冇出過。你呢招真的很Work！

朋友以為我會讚賞他一番，誰知我回應：「唉，你漏咗一個步驟。今次你好彩，佢乖乖地食飯。」

朋友一驚：「我用錯咗咩？」