【購物日誌】$12日系雜貨、精品店「ものもの」 (Mono Mono)
2018-01-08
買嘢係女人嘅天性,今次為大家介紹香港區萬五呎的敗家好店Aeon「ものもの」 (Mono Mono)。
由門面至到舖頭嘅裝潢都好日本風格,所以一行入去已經覺得好日本味!!!而我一向好鍾意行$12店掃平貨,所以我今次主力都係會介紹番「ものもの」 (Mono Mono)入面一樓嘅Living Plaza $12店部分。
G/F係好多日本嘅食品、飲品、化妝品、家電嘅產品等。
日本嘅懷舊零食,都有好多。有啲我以前細個都有食過,真係好懷念呀!
懷舊嘅士的形、咪形嘅朱古力豆豆糖。
懷舊嘅水果味香口珠,我最鍾意提子味。
一大堆Thomas and Friends嘅糖,係咪有種密集恐懼呢
1/F就係我最愛行嘅Living Plaza,全部嘢都係$12/件。
文具控必行專區,有好多唔同公仔造型嘅告示貼。
Memo紙、同埋貼紙。
2015年令人瘋魔嘅填色書,Living Plaza亦有類似風格嘅商品,有填色書旁邊亦當然不少得顏料吧。