【爸爸真實心聲】點解女人生咗細路，係會做出咁多反智行為？

我從來從無  like 任何親子網站，不過，我好了解那些 baby condom、咩咩Kiss 以及你們網站，長年累月都聚集一班「圍爐取暖」，宣傳甚麼「為母則強」「含辛茹苦」媽媽好好好好偉大的思想──我老婆，以及我好多已經做咗媽媽的女性朋友，相當喜歡 Share呢啲文在自己 fb ，唔係俾朋友睇，好多時候指桑罵槐，梗係俾我哋啲老公睇，甚至走去個網站留言 tag老公……我好憎這種行為，好怕朋友見到自己老婆居然咁做。

我老婆，好歹都係知識分子，先旨聲明，我好愛我老婆，佢大學一級榮譽畢業，鍾意打扮買名牌，好典型的港女，拍拖我已經知；佢未生仔前月入三萬幾四萬，養得起自己有餘，不過，嫁咗俾我生埋仔，大家協調過，她做全職媽媽專心湊仔，我有經濟能力支持到成頭家；無打算要個老婆做「黃面婆」，有請工人，家務可以交俾姐姐──
我需要一個點樣的老婆，即係文雅啲講「賢內助」，確係由佢生咗 BB開始，我開始諗。