【Alvin媽媽】19w3 去旅行=不負責任的媽媽?
2018-04-18
話說我們喺未有肥B之前已經BOOK了一個5日4夜泰國布吉之旅,更是慶祝我生日的。我哋都一直猶豫去唔去好呢?當然身邊家人朋友係各有各意見,各有各立場。一時之間,都唔知如何決定啦。
由於我一直都私家政府兩邊做產檢的關係,我當然兩邊醫生都有問意見。當我一問到政府醫生意見,即時被鬧了,有個姑娘更話我是個不負責任的媽媽?我當場呆了,而他們理由是泰國並不是一個安全的國家。因為當地曾出現寨卡病毒感染,而此病與懷孕的不良影響(初生嬰兒出現小頭畸形)和其他神經系統及自身免疫性的併發症如吉巴氏綜合症的關係。