港媽call的士遲到反斥的哥態度差 「等我10分鐘呱呱叫」

為方便到達目的地，不時市民會電召的士。近日有女乘客在Facebook抒發不滿，批評的士司機服務差，等了十分鐘便諸多抱怨，惟不少網民留言反斥該女乘客「當自己皇帝」。

女乘客在Facebook發文，指的士司機「死人態度，等我10min（分鐘）呱呱叫」，並表示當時落大雨，自己帶著女兒並拿著蛋糕。上到車後，司機說「我以為你落咗樓下等我，要我等番你轉頭。」女乘客為此感到不滿，並在貼文中指「心諗，你咁趕，可以走先，我call另一架的士」，並加上hashtag「的士司機給些好的服務可以嗎」。

帖文其後被轉載至多個Facebook專頁，有網民批評女乘客，「如果嗰客早話明要等十分鐘就咩事都無。call車嘅人車連基本禮貌常識都無，仲要發文插司機」、「唔好一句說話就覺得係司機錯曬，言語間司機態度可能未必咁好，但乘客亦要諗下自己是否有錯」。

頭條日報授權轉載