【設歌唱學院做慈善】 為女兒作好榜樣　關心妍：女歌手輝煌成績不如母親身分

訪問前，記者連同攝影師一行三人，說著那些年K房裏的慘情歌單，幾乎由關心妍（Jade）一手包辦：〈負擔不起〉、〈放生〉、〈無痛失戀〉、〈慘得過我〉……「我啲歌都十三、四年喇。」關心妍笑謂，我問她，幸福媽媽如她、還能唱出那份錐心之痛嗎？

「做咗媽媽之後，嗰份『慘』無晒喇，每一日都充滿快樂同感恩。」弱弱的問一句，女歌手和媽媽之間……「咁梗係囡囡啦，事業輝煌係一段時間，但係囡囡係一世嘅。」

^關心妍視女兒楊榮心（心心）為人生最高目標。