【童年回憶崩壞】日久失修 沙田Snoopy's World慘變中國殭屍城?
2018-09-28
沙田新城市廣場的史努比開心世界(Snoopy’s World)相信是不少人的集體回憶,那些年的打卡拍拖勝地之選。即使做咗爸爸媽媽,都會帶小朋友去玩,原來唔經唔覺,Snoopy’s World已經陪伴咗我哋十八個年頭,最近有網民上載一輯Snoopy’s World的「近照」上討論區,慨嘆Snoopy’s World已經變咗中國殭屍城!
網民Michael留言話:「入邊嗰啲公仔隻隻俾太陽曬到變晒中國殭屍咁!白雪雪成隻鬼咁! Halloween 主題範圍真係恐怖不過啱晒鬼節!入邊有啲嘢壞咗又唔整!」又慨嘆商場整空中花園都唔維修Snoopy’s World,非常可惜!爸媽們,你哋又同唔同意呢?