【張慧敏】愈孝愈難（上）
2019-11-13
『Son姐，媽急性腎衰竭入院，情況好差好差，心痛不已，日子不久。皮包骨頭，心仲痛。我都好擔心佢自理能力，我要工作，市道太差，我都好怕冇咗份工。積蓄早幾年差不多花光，唔想問人借錢。醫生有提意去護老院住，價錢太貴，未知可否申請資助。一齊來得太急，當無人幫到自己，覺得真係好無助。雖然有個哥，真係完全無做過仔的責任。好惆悵！
我好幾年無拍拖，近幾個月認識我男友。我好怕俾人覺得係一個負擔，他知道我所有事，好體諒，緣份來到，唔諗多，我真係好珍惜同感恩。
Son姐好多謝你，肯聽我哋呢啲低層講嘢，旁觀者係無法明白我哋難處。真心多謝你！唔介意你分享我嘅事，因為人始終有些事無人知道當中苦況，希望唔會再有太多人鑽牛角尖！』
***************************************
多謝你信任我願意讓我分享你的苦況及經歷。放輕鬆點吧，對自己好點吧，你已經盡了力，而我們的力量確實有限，問心無愧已經好好。心底話沒有高低層次之分，為甚麼要把自己看扁？講到底我們都是凡人，一樣的七情六慾，遇到的困難問題其實一樣多，分別只在於我們用甚麼態度心情去面對。
永遠都是我們這些負責任的子女承受的壓力最大，我身邊很多朋友情況和你一樣，明明有兄弟姊妹，結果照顧患病父母的，只有我的朋友。精神上經濟上體力上的種種壓力透支，不足為外人道。
申請資助一定可以，我相信你應該知道有社工可以幫忙的。老人家除了會骨質疏鬆之外，肌肉流失亦是必然的事，你媽媽的情況，失去自理甚至活動能力，恐怕是難以避免的事。千萬不要為要把母親送去護老院照顧而自責，其實這才是負責任的行為。你不可能再承擔你媽媽一個不小心再有有甚麼意外發生的情況。
作者︰張慧敏
其他文章：