【小小豬廚房】青紅蘿蔔羅漢果豬骨湯

係年初四當日，突然好想飲啖湯暖下個胃，所以就即刻去街市買材料煲靚湯。

仲以為已經過左新正頭嗰三日，一切都會正常返。點知落到街市都只係得兩檔菜檔開，原來我係想煲西洋菜湯，但一見個價格就真係嚇左一跳，平日啲西洋菜都只係十幾蚊一斤，今日竟然見到係賣五十蚊一斤(當然除左因為新年之外，前排天氣太凍，凍傷好多蔬果都有關啦)。

睇見個價錢就緊係唔買啦，所以最後就改買正常價嘅青紅蘿蔔，簡簡單單煲返個青紅蘿蔔羅漢果豬骨湯啦！

紅蘿蔔2條、青蘿蔔1 條、豬骨約$40、南北杏約兩湯匙、蜜棗2粒、羅漢果半粒~

平日我都鐘意用瘦肉煲湯，不過用嚟煲青紅蘿蔔，總係覺得用豬骨嚟一齊煲，個味係夾啲同出味啲呀~

青紅蘿蔔洗淨去皮切件~

羅漢果洗淨壓碎，南北杏及蜜棗洗淨備用~