英設計師幫小朋友將想象變實物
2016-03-01
「媽咪媽咪點解解滑板單一定要自己一個踩？」「如果放個盤喺樹下面咁啲落葉咪唔使清潔嬸嬸慢慢掃囉！」雖然驟耳聽落似是童言童語，但孩子憑著無盡的創意和大膽嘗試的精神，每個小朋友都可以是一個偉大的小小發明家，設計出簡單又可愛的日常用品！
英國設計師 Dominic Wilcox 就察覺出小朋友的潛在能力，舉辦了《INVENTORS！》工作坊，任由超過450位小朋友發揮想像力，並協助他們將當中構思變成實物。其中不少已經實物化嘅作品經已連同小朋友親手畫的構想圖在當地一月底展出。儘管展覽已經結束，但活動中不少其他作品仍然在「研發」階段，並陸續上載到inventorsproject 同大家分享！
網站中不難找到有趣作品，除了早前廣泛流傳的薯片鞋抽之外，還有寶寶掛牆裝置和樹葉收集器等等。
另外還有這個「自動淋水花盆」，簡稱 SWPP，只要輸入好淋水的相距時間就會定時自動淋水，啱晒鍾意植物又大頭蝦的大人細路呀，實用分創意分滿分！
各位爸爸媽媽得閒可以同小朋友上 http://inventorsproject.co.uk/ 觀摩一下，看看有無得到甚麼靈感，借助爸爸媽媽的力量創作出自己的小發明！
圖片來源：inventorsproject