貼一家四口片段哭憶亡妻 林子博承諾珍惜一家人食飯時刻

林子博太太董燕君去年患上罕見癌症「平滑肌肉瘤」，子博陪妻子積極抗癌，早前更在網上眾籌嘗試新治療法，可惜董燕君上周不敵癌魔離世。

子博早前參與了香港開電視節目《大叔要變身》，太太亦有亮相，昨晚他在社交網上載了節目中一家四口的片段，留言：「多謝香港開電視《大叔要變身》呢個節目，令我可以留下太太嘅珍貴片段。老婆～我同詠渝、卓楠以後都會珍惜，一家人食飯嘅時刻！」

節目中董燕君與子博及仔女一家四口食晚飯，她跟一對子女說：「夜晚餐飯好緊要，我成日覺得一定要齊齊整整一定要坐齊喺度食飯，每日咁忙錄，爹哋做嘢你哋要返學，夜晚呢餐飯對我嚟講好有意義，好難得等齊你哋個個得閒，日頭幾忙先得㗎，係咪先？所以一定要坐低，齊齊整整一齊食，希望呢樣嘢以後都係咁！」詠渝和卓楠邊吃邊點頭答應媽咪。節目尾段子博講到太太當時的情況，亦不禁流下男兒淚，哽咽說：「一家人嘅願望係，能夠每一日…每一餐飯，大家齊齊整整就夠啦！」