【網上奇聞】內地網購麵包8日才抵港發霉被批多餘 港女：有25公斤未到

有網民從內地電商平台購入麵包送來香港，豈料集運8日才抵達，女事主打開時竟見已經發霉，大為不滿，反而惹來其他網民質疑是否有必要在內地網購麵包。

有網民在網上「連登」討論區轉載一則帖文，女事主去年11月4日在Facebook一個關注集運公司發貨群組，投訴：「10月27嘅單，今日終於收到！」

女事主指出，自己網購麵包後過了8天，才集運到香港的自提點交貨，「但我食物已『發霉』，說好『今發明到』我先買食物……」她又投訴尚有一批麵包仍未到港、音訊全無，「仲有最後1批25公斤說好2天內出發都未見更新！」

其他網民留言，有人指「無食落肚執到啦，有發霉先正常無發霉先驚囉，防腐劑呀」，也有人指「集咩運，直送快幾日咪食得」、人哋今發明到係講緊國內直送佢自己集運仲賴人」

不過更多人質疑是否有必要網購食物，尤其是麵包這些隨處可見的食品，「重點係用淘寶買嘢食、戇居先會咁做」、「香港冇野食可以買咩？食物都淘寶」、「麵包鋪朝朝新鮮出爐唔食走去淘啲垃圾發霉嘢」、「就算淘食物，竟然會買麵包，集運唔係時間？」。

有人更擔心，「佢最尾果句話重有最後一批25公斤未發貨，應該唔會淘25公斤自己食掛?唔通係自己開餐廳或咖啡室之類? 」